Qirg‘izistonning sobiq muvaqqat prezidenti Roza Otunbayeva o‘zining sobiq safdoshi Almazbek Atamboyevning qo‘lga olinishi haqidagi vaziyat yuzasidan «Nastoyaщeye Vremya» jurnalistlariga izoh berdi.
«U uch marta Batukayev ishi bo‘yicha chaqiruv qog‘ozi olgan. Bu shov-shuvli ish, u guvohlik berishi kerak edi. Bu ish bo‘yicha odamlar qamoqda o‘tiribdi, sobiq bosh prokuror tergov izolyatorida saqlanmoqda», - dedi Otunbayeva.
Uning fikricha, Atamboyev to‘qnashuvlar va tartibsizliklar uchun birinchi navbatda aybdor. Shuningdek, jinoyat olamida nufuzli shaxs bo‘lgan Aziz Batukayevning noqonuniy ozod etilishi bo‘yicha ishdan tashqari, yana «besh-olti yoki yettita shunday ish» sobiq prezidentning gardanida.
U Atamboyevga berilayotgan savollarni «asosli», deb hisobladi. Otunbayeva Atamboyevni «ashaddiy o‘yinchi» va juda jiddiy jinoyatlarga bog‘liq shaxs deb atab, «u ko‘p narsaga qodir» ekanini bildirdi.
Otunbayevaning eslatishicha, Atamboyev Ichki ishlar vazirligiga Batukayev ishi bo‘yicha chaqiriq qog‘ozini uch marta e’tiborsiz qoldirdi - shuning uchun sobiq davlat rahbarining uyiga maxsus kuchlar yuborildi.
Maxsus kuchlar va Atamboyev tarafdorlari o‘rtasidagi to‘qnashuvdan keyin Milliy xavfsizlik davlat qo‘mitasi Maxsus kuchlar xizmati boshlig‘i o‘rinbosari Usenbek Niyazbekov halok bo‘ldi. Bundan tashqari, 52 kishi jarohat oldi, ulardan 20 nafari hanuz kasalxonalarda.
Otunbayeva va Atamboyev Qirg‘izistonning ikkinchi prezidenti Qurmanbek Bakiyev davrida yaqin safdoshlar hamda muxolifatchilar bo‘lgan. Davlat to‘ntarishi va Bakiyevning mamlakatdan qochib chiqib ketishi ortidan Otunbayeva muvaqqat prezidentga aylandi - bu bir yil davom etdi. Keyin Almazbek Atamboyev prezidentlikka saylandi.
2016 yilda Atamboyev konstitutsiyaviy islohotlar o‘tkazishga qaror qildi, Otunbayeva esa uning tashabbusini tanqid qilib chiqdi. Sobiq safdoshlarning munosabatlari yomonlashdi.
Bundan oldin, Atamboyevning qizi videomurojaat bilan chiqqandi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ruslar Abrams tanklarining zaif tomonini topishdi
Ortiqcha vaznli insonlar uchun sog‘lom ovqatlanishning beshta muhim qoidasi
Zoir Mirzayev “Telefonsiz maktab”ga 300 mln so‘m mukofot berdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Lukashenko G‘arbga tahdid bilan chiqdi