Xitoylik bir daqiqada 120 ta shamni qulog‘i bilan o‘chirdi (video)

Xitoyning Syuanchjou shahrida yashovchi Chjan Sitszyan o‘zining noodatiy qobiliyati – qulog‘i bilan shamlarni o‘chira olishini namoyish qildi.

U bu maqsadda stetoskopdan tayyorlangan maxsus qurilmadan foydalanadi. Chjan qurilmaning bir uchini quloqlariga tiqib, ikkinchi uchini shamlarga keltiradi. So‘ngra burnini qo‘li bilan yopib, og‘zidagi havoni quloqlari orqali tashqariga chiqaradi. Erkakning aytishicha, u buni qilishga imkon beradigan fiziologik xususiyat bilan tug‘ilgan.

Sitszyan namoyish vaqtida 59 soniyada 120 ta shamni o‘chira olgan. U o‘z rekordini yangilab, bir daqiqada 200 ta shamni o‘chirishni rejalashtirmoqda. “Zamin”ni Telegramʻda oʻqing!