Trampning rafiqasi yurtida uning jahldor qiyofadagi haykali o‘rnatildi

^{Foto: twitter.com/berangerecagnat}
AQSh prezidentining rafiqasi Melanya Tramp yurti – Sloveniyada Donald Trampning yog‘och haykali o‘rnatildi. Bu haqda The Washington Post nashri xabar berdi.
Haykal AQSh birinchi xonimining bolaligi o‘tgan, poytaxt Lyublyanadan 30 km uzoqlikda joylashgan Sevnitsa qishlog‘ida o‘rnatilgan.

Haykalning balandligi 8 metrcha bo‘lib, Tramp unda ko‘k kostyum va qizil galstukda jahldor qiyofada va mushtini yuqoriga ko‘targan holda tasvirlangan.

Haykal mualliflarining aytishicha, “jahldor yog‘och Tramp” “populizmga to‘la zamonaviy dunyoni” ifodalaydi.
Populizm siyosatda keng ommaning his-tuyg‘ulari bilan o‘ynashish, saylovoldi kurashda mashhurlikka erishish maqsadida asossiz va’dalar berish usuli hisoblanadi. “Zamin”ni Telegramʻda oʻqing!