Qozogʻistonda poyezd avtobusni urib ketdi (video)

Qozogʻistonning Olmaota viloyatida 15-sentyabr kuni mahalliy vaqt bilan soat 19:20 da “Olmaota—Qoʻstanay” yoʻnalishi boʻylab harakatlanib kelayotgan yoʻlovchi poyezdi qoʻriqlanadigan temiryoʻl kesishmasida toʻxtab qolgan avtobusga kelib urildi.

Tengrinewsʻning xabar berishicha, avtobus haydovchisi voqea joyida halok boʻlgan. Uch kishi — bir ayol va kichik yoshdagi ikki bola tan jarohatlari bilan kasalxonaga yotqizilgan. Xabar berishlaricha, uchala jabrlanuvchi ham jonlantirish boʻlimiga yotqizilgan.

Politsiya maʼlumotlariga koʻra, avtobus haydovchisi taqiqlovchi signallarga qaramay, temiryoʻl kesishmasiga chiqib kelishi oqibatida YTH yuz bergan. Hodisa guvohlarining aytishicha, poyezd kelib urilishi muqarrar boʻlib qolgach, haydovchi barcha yoʻlovchilarni avtobusdan tushirgan, lekin oʻzi tushishga ulgurmay qolgan.
“Zamin”ni Telegramʻda oʻqing!