22:38 / 06.10.2019
2 613

Rossiyalik milliarder odamlar ustidan 20 ming dollar sochib yubordi (video)

Rossiyalik milliarder odamlar ustidan 20 ming dollar sochib yubordi (video)

Rossiyalik tadbirkor Igor Ribakov Sankt-Peterburgda o‘tgan ishbilarmonlik anjmunlaridan birida odamlar ustidan 20 ming dollar sochib yubordi.

Milliarder buni yoshligida otasi unga dollar berib, o‘g‘liga uni ko‘paytirib, boshqa odamga berishni topshirgani bilan tushuntirgan. Ribakov otasining topshirig‘ini bajarib, tomoshabinlar bilan katta ishlar uchun “ramziy chipta” bilan bo‘lishishga qaror qilgan. Tomoshabinlar ustiga tadbirkorning imzosi va X10, ya’ni “10 marta ko‘paytir” yozuvi bo‘lgan kupyuralar sochilgan.

Tadbirkor uning hayotdagi maqsadi odamlar baxtiyorligi va farovonligi darajasini oshirishga aylanganini tan olgan. “Bu pullar maqsadimni amalga oshirish uchun sarmoyam. Men sarmoyachiman, sarmoyachi nimagadir pul tiksa, u bu pullarga achinmaydi”, deb aytgan milliarder.

Ta’kidlanishicha, tadbirkor bir soatlik chiqishi vaqtida 200 ming dollar ishlab topgan. Ribakov sochgan pullarini tashrif buyuruvchilar uchun “keshbek”, ya’ni “qaytim” deb aytgan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)