Yo‘qolgan erkak garaj poliga betonlab tashlangan ekan

^{Foto: RF Tergov qo‘mitasi matbuot xizmati}
Operativ xodimlar Bryanskda yo‘qolgan 57 yoshli kishining jasadini betonlangan holda topishdi.

«Rambler»ning yozishicha, o‘ldirilgan odamning qarindoshlari sal avval politsiya organlariga uning yo‘qolganligi haqida ariza berishgandi. Tergov chog‘ida Rossiya Federatsiyasi Ichki ishlar vazirligi va Tergov qo‘mitasi xodimlari uning yo‘qolishi kriminal xarakterga ega degan xulosaga kelishdi va gumondorlarning iziga tushishdi. Erkakning jasadini Uritskiy ko‘chasidagi garaj poliga betonlangan holda topishdi, deb xabar beriladi Rossiya Federatsiyasi Tergov qo‘mitasi saytida.

Uch nafar gumondor qamoqqa olindi, ular qasddan odam o‘ldirganlikda ayblanmoqda. “Zamin”ni Telegramʻda oʻqing!