Ilon Mask bir haftada 2 mlrd dollarga boyidi

^{Foto: AFP /Frederic J. BROWN}
SpaceX va Tesla kompaniyalari asoschisi Ilon Maskning boyligi qariyb 2 mlrd dollarga ko‘paydi, deb xabar berdi Forbes nashri.

Ta’kidlanishicha, 23 oktyabrda birjalar yopilgandan so‘ng tahlilchilarning salbiy prognozlariga qaramay Maskning bir aksiya uchun daromadi 1,86 dollarni tashkil etdi.

Ma’lum qilinishicha, 31 oktyabrda savdolar yopilishiga qadar 1 hafta ichida Tesla aksiyalari 24 foizga qimmatlashgan, buning natijasida Maskning daromadi 2 mlrd dollarga ko‘payib, 22,9 mlrd dollargacha yetgan.

Mask Tesla‘ning 22 foiz aksiyasiga egalik qiladi. Bu milliarder boyligining deyarli yarmini tashkil etadi. “Zamin”ni Telegramʻda oʻqing!