AQSH prezidenti Donald Tramp tvitterdagi sahifasida eronlik general Qosim Sulaymoniyning o‘limi bilan tugagan operatsiya haqida fikr bildirdi. Bu Trampning operatsiya haqida ilk fikrlari bo‘ldi.
«Eron hech qachon urushda g‘olib bo‘lmagan, ammo hech muzokaralarda yutqazmagan», deb yozdi AQSH prezidenti.
Iran never won a war, but never lost a negotiation!
— Donald J. Trump (@realDonaldTrump) January 3, 2020
Keyingi tvitlarida Tramp bevosita Qosim Sulaymoniy haqida yozdi.
«General Qosim Sulaymoniy minglab amerikaliklarni o‘ldirdi yoki jarohatladi. U yana ko‘pchilikni o‘ldirishni rejalashtirayotgandi, ammo qo‘lga tushdi! U millionlab odamlarning, jumladan Erondagi namoyishchilarning o‘ldirilishi uchun javobgar.
Eron buni tan olishni xohlamayotgan bir vaqtda Sulaymoniydan Eronning o‘zida qo‘rqishar va undan nafratlanishardi. Ular rahbarlari tashqi dunyoni ishontirishga urinayotgan darajada xafa emas. U ancha yillar oldin qo‘lga olinishi kerak edi», deydi Tramp.
Tramp navbatdagi postlarida Iroq ustidan nazorat haqida gapirdi: «AQSH Iroqqa har yili milliardlab dollar pul sarflayapti. Bu biz qilishimiz mumkin bo‘lgan eng ko‘p narsa. Iroqliklar ularni Eron nazorat qilishini xohlashmaydi, bu ularning tanlovi. So‘nggi 15 yilda Eron nazoratni tinimsiz oshirib bordi. Iroqliklar esa bundan xursand emas. Bu hech qachon yaxshilik bilan tugamaydi».
2 yanvardan 3 yanvarga o‘tar kechasi Eron islom inqilobi muhofizlari korpusi (IIMK) qo‘mondoni general Qosim Sulaymoniy AQSH harbiylari tomonidan o‘tkazilgan operatsiya oqibatida halok bo‘ldi. Uning mashinasi masofadan turib boshqariladigan dron yordamida o‘qqa tutilgan va Sulaymoniy halok bo‘lgan. Uning shaxsi qo‘lidagi mashhur uzugi yordamida aniqlandi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda YPX xodimlari ko‘z oldidagi qoidabuzarlikka ko‘z yumdi
Saudiyadagi forumda G‘azo urushi muhokama qilindi: «Isroilni to‘xtata oladigan yagona davlat – AQSH»
OAV erkinligi reytingi: Dunyodagi vaziyat - oxirgi 10 yildagi eng yomoni
Zaporoje viloyatining Rabotino shahri shimolida Rossiya bayrog‘i ko‘tarildi
AQSH Rossiyani Ukrainaga qarshi kimyoviy qurol qo‘llaganlikda aybladi
“Xufyona iqtisodiyotga qarshi kurash illyuziyasi” — Soliq qo‘mitasining rejalari nega tanqidga uchradi?
Keksayganda ham yosh ko‘rinish uchun qanday hayot tarzini kechirish kerak?