Foto : GETTY IMAGES
Rossiya prezidenti Vladimir Putin o‘z farmoni bilan Chuvashiston prezidenti Mixail Ignatevni «ishonchni oqlamagani» uchun iste’foga chiqardi. Yanvar oyida Ignatev ikkita shov-shuvli mojaro markazida qolgandi.
Kreml saytida ma’lum qilinishicha, Ignatev «ishonchni yo‘qotgani» sababli lavozimidan ozod etilgan. Uning o‘rniga vaqtinchalikka Davlat dumasi deputati Oleg Nikolayev tayinlandi.
50 yoshli Ignatevning iste’foga chiqarilishidan oldin uning ishtirokida ikkita shov-shuvli mojaro yuz bergandi.
Chuvashiston rahbari 18 yanvarda Matbuot kuniga bag‘ishlangan chiqishida ba’zi jurnalistlar va blogerlar respublikaga «turli yo‘llar bilan» pul ishlagani kelishlarini, u yerda «yaxshi o‘rnashib olib», «hech kim va hech narsadan bexabar bo‘lar-bo‘lmas narsalarni yozishlari»ni aytgan.
«Shu sababli ularni, xalq tilida aytiladigandek, ta’zirini berish kerak. Ular qayerdan, qanday niyatda kelganlari, qayerda yashashlari, ishlashlari, qanday pul topishlari haqida gapirish kerak», deb aytgan Ignatev.
Chuvashistonning endilikda sobiq rahbari ishtirokidagi yana bir mojaro o‘t o‘chiruvchilarga yangi xizmat mashinalari kalitlarini topshirishi vaqtida yuz bergan. Mahalliy matbuotda yozilishicha, ushbu voqea videosida Ignatev mashina kalitini topshirish vaqtida uni baland ko‘tarib, «favqulodda vaziyatlar zobitini kalitni olish uchun sakrashga majbur qilgani» aks etgan.
Matbuotda Ignatevning bu xatti-harakati «zobitni kalaka qilish» sifatida qabul qilingan. Shundan keyin Chuvashiston rahbarining bu «qilmishi» favqulodda vaziyatlar vazirligi va u a’zosi hisoblangan «Yedinaya Rossiya» partiyasi tomonidan ham tanqid qilingan. Mojarodan keyin Ignatev partiya safidan chiqarilgan. Ignatevning matbuot xizmati esa kalitni olish uchun sakragan zobit uning ko‘p yillik tanishi ekani va barchasi do‘stona tarzda kechgani haqida bildirgan.
Putin ma’muriyatidagi manbalarning ma’lum qilishicha, Ignatevning iste’fosi uning ishtirokidagi mojarolargacha rejalashtirib qo‘yilgan edi. Ularning ta’kidlashicha, Chuvashistonga 2010 yildan beri rahbarlik qilib kelgan Ignatevning reytinglari past va sog‘lig‘ida muammolar bo‘lgan. Ignatevning vakolatlari muddati 2020 yil sentabrda tugashi kerak bo‘lgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Hatto meva mumkin emas: jigar uchun zararli uch odat
Chet el valyutalarining o‘zbek so‘miga nisbatan yangi qiymati belgilandi
Jasur Abduraimov: "Olimpiadaga chiqqanimiz ortidan raqiblarning bizga nisbatan hurmati oshadi"
Asab tolalarini mustahkamlashda muhim bo‘lgan vitaminlar
Saudiya Arabistoni valiahd shahzodasi Falastin prezidenti bilan uchrashuv o‘tkazdi
Germaniyada rossiyalik shaxs ikki ukrainalik harbiyni pichoqladi
Timur Kapadze tarixiy natija qayd etilganidan so‘ng nimalar dedi?