Foto: Sky News Arabia
Turkiya armiyasining tanklar, zirhli texnikalar va o‘q-dori ortilgan mashinalaridan iborat harbiy konvoy Suriya bilan chegarani kesib o‘tib, Idlib viloyati hududiga kirdi. Bu haqda Sky News Arabia telekanali xabar tarqatdi.
Manba ma’lumotida aytilishicha, turklarning yana bir harbiy karvoni 9 fevralga o‘tar kechasi chegarani kesib o‘tib, Idlibdagi Bob-al-Xava punktiga kirgandi. Anadolu agentligi ma’lumotiga ko‘ra, kolonnda jami 300ta harbiy texnika bor. Shuningdek, maxsus topshiriqli harbiy bo‘linmalar ham chegaradan o‘tgan.
O‘z navbatida, Idlib va Halabda joylashgan Suriya muxolifati vakillari o‘z oila a’zolarini Turkiya bilan chegaradosh hududdagi Afrin shahri tomonga olib ketmoqda.
Shanba kuni Anqarada RF va Turkiya hukumatlari o‘rtasida muzokara o‘tkazilgan, unda Idlibdagi keskinlashayotgan vaziyat muhokama qilingandi.
Turkiya va Rossiya tashqi ishlar vazirlari o‘rinbosarlari Sedat O‘nal va Sergey Vershinin boshchiligidagi delegatsiyalar o‘rtasidagi muzokaralar uch soatga yaqin davom etgan. Turkiya tomoni Sochi kelishuvi doirasida Idlib deeskalatsiya hududi chegaralari saqlanib qolishini va ushbu hududdan fevral oxirigacha Suriya qo‘shinlari olib chiqib ketilishini talab qilgan.
Shuningdek, Anqara deeskalatsiya hududidagi kuzatuv punktlariga Suriya qo‘shinlari tomonidan uyushtiriladigan har qanday hujumga javob qaytarishini bildirgan.
2017 yil may oyida Ostona shahrida (hozirgi Nur-Sulton) Rossiya, Eron va Turkiya vakillari ishtirokida o‘tkazilgan muzokaralarda Suriyada to‘rtta deeskalatsiya hududi tashkil etilgan. 2018 yilda uchta hudud Damashq nazorati ostiga o‘tgan. Idlib viloyatida joylashgan to‘rtinchi hudud Suriya hukumati nazoratidan tashqarida bo‘lib, uning katta qismi turklarning ittifoqchisi sanaladigan «Jabhat an-Nusra» tashkiloti tomonidan nazorat qilinadi. 2018 yil sentabrda Rossiya va Turkiya Sochida o‘tkazilgan muzokaralarda Idlibda demilitarizatsiyalashgan hudud tashkil etishga kelishib olgandi.
Rossiya TIV ma’lumotiga ko‘ra, rossiyalik va turkiyalik harbiylar hududda tinchlik o‘rnatish uchun harakat qilmoqda, ammo hududdagi ayirmachilar bunga xalal bermoqda.
Yanvar oyi oxiri va fevral oyi boshida qurolli harakatlar davom etishi oqibatida rossiyalik va turkiyalik harbiylar halok bo‘lishgandi.
2020 yilning 26 yanvarida Suriya Arab Respublikasi armiyasi Halab sharqiga bu hududdagi jangarilar tomonidan shaharga doimiy ravishda zarbalar berib kelinayotgani oqibatida tinch aholi vakillari halok bo‘layotganini ro‘kach qilib hujum boshladi. Bashar Asad kuchlari 5 fevral kuni Idlib yaqinidagi Sarakib shahrini egallab oldi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Ronaldu "Al Nassr"ni Qirol kubogi finaliga olib chiqdi
Jarimalardan 100 mln so‘m qarzi bor avtomobil Qamchiq dovonida ushlandi
Shavkat Mirziyoyev ikki yirik tuzilma rahbarlari bilan muloqot o‘tkazdi
Toshkent viloyatida muqaddam 8 marotaba sudlangan “soxta operator” qayta jinoyatga qo‘l urdi
"Liverpul" futbolchisi jamoadoshining xotini bilan “don olishib yurgani" ma’lum bo‘ldi
Ukrainada OIV va saraton kasalligiga chalingan bemorlar armiyaga chaqiriladi
Kolumbiya Isroil bilan diplomatik aloqalarni uzdi
