Foto: «RIA Novosti»
Xitoyda yangi turdagi koronavirus bilan kasallanganlar soni kundan-kunga kamaymoqda, deb xabar berdi «RIA Novosti». Xitoy kasalxonalariga yotqizilganlarning 82,7 foizi tuzalib ketgan, ayni paytda koronavirusning o‘lim ko‘rsatkichi Xitoyda 3,95 foizni tashkil etmoqda.
Katta Xitoyda (materik) shu paytgacha jami 80 844 kishi koronavirus bilan kasallangan, shulardan 66 911 nafari tuzalib ketgan — jami kasallarning 82,7 foizi.
Epidemiya boshlanganidan beri, Xubey provinsiyasini hisobga olmaganda, Xitoyning qolgan qismida koronavirus 13 050 kishida aniqlandi, 114 ta holat o‘lim bilan tugadi — 0,87 foiz. Epidemiya o‘chog‘i bo‘lmish Xubey provinsiyasida esa 67 794 kishi kasallanib, 3085 kishi vafot etgan, o‘lim ko‘rsatkichi — 4,5 foiz. Xubey markazi Uxan shahrida koronavirusdan o‘lim ko‘rsatkichi 14,91 foizni tashkil etgan.
Mamlakatda koronavirusdan o‘lganlar jami soni 3199 nafarni, o‘rtacha o‘lim ko‘rsatkichi 3,9 foizga teng bo‘ldi.
Xitoyda epidemiologik holat ijobiy tomonga o‘zgarishni boshladi, so‘nggi sutkada 20 nafar yangi bemor aniqlandi, shularning 16 nafari kasallikni chet eldan yuqtirib kelgan, qolgan to‘rtta holat Xubeyda aniqlangan.
XXR sog‘liqni saqlash davlat qo‘mitasi 12 mart kuni mamlakatda epidemiyaning yuqori bosqichi ortda qolganini e’lon qildi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Prezidentning yangi qarori bo‘yicha ma’lumot berildi
NATO rahbari: “Ukrainaga bergan va’damizni bajarmadik”
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
Ukraina Qurolli kuchlari qo‘mondonlari g‘alabaga ishonishni to‘xtatishdi
Fon der Lyayen Putinning «ishonli odamlari» bilan hamkorlikni istisno etdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi
U-23 Osiyo kubogi. Norchayev finalda gol ursa, to‘purar bo‘lishi mumkin