Gonkongda ko‘zni yoshlantiruvchi gaz ta’miga ega muzqaymoq sotila boshlandi. Uning asosini politsiya 2019 yilgi norozilik namoyishini tarqatib yuborishda ishlatgan qora qalampir ziravorlari tashkil etadi, deb xabar beradi Associated Press.
«Uning ta’mi xuddi ko‘zni yoshlantiruvchi gaz kabi. Birinchi qoshiqdan so‘ng nafas olish qiyinlashadi. U rostan ham juda achchiq. Odamning tezda suv ichgisi keladi. Bu men his qilgan og‘riqlarni yodga soladi», — deydi norozilik namoyishi ishtirokchisi Anita Vong.
Muzqaymoq do‘konining egasi Gonkongda o‘tkazilgan namoyishlarni qo‘llab-quvvatlashini tan olgan.
«Biz odamlarga norozilik namoyishida ishtirok etaverish kerakligini yodga soluvchi va jo‘shqinlikni yo‘qotishga yo‘l qo‘ymaydigan ta’mni yaratishni istadik», — deydi Vong.
Uning so‘zlariga ko‘ra, ko‘zni yoshlantiruvchi gaz ta’mini yaratish uchun ko‘plab masalliqlarni tatib ko‘rishga to‘g‘ri kelgan, masalan, vasabi va xantal, biroq eng ma’quli qora qalampir bo‘lgan.
Gonkong hukumatining ma’lumotlariga ko‘ra, norozilik namoyishi vaqtida 16 mingdan ortiq ko‘zni yoshlantiruvchi o‘qlar otilgan.
Eslatib o‘tamiz, 2019 yilning avgust-sentyabr oylarida ekstraditsiya to‘g‘risidagi qonun sabab Gonkongda norozilik namoyishlari o‘tkazilgan edi. Ushbu qonun Xitoydan Gonkongga qochgan dissidentlarga qarshi qaratilgan. Keyinroq Gonkong ma’muriyati rahbariyati ushbu qonun loyihasini qaytarib olgandi.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
AQSHda Falastinni qo‘llab namoyishga chiqqani uchun hibsga olingan talabalar soni 900 nafardan oshdi
Shimoliy koreyaliklarning aql bovar qilmaydigan 7 ta kundalik odati
Devid Kemeron Markaziy Osiyoga safarida hashamatli samolyot ijaraga olgani uchun tanqid qilindi
«Samarqand — Toshkent — Samarqand” yo‘nalishida qo‘shimcha poyezdlar harakatlanadi
Saudiyadagi sammitda Isroil va Hamas o‘rtasida muzokaralarni tiklashga harakat qilinmoqda
Ro‘ziqul Berdiyev: "Kubok o‘yinlari davomida yigitlarda kuchli ishtiyoq sezmadim"
Keniyada to‘g‘on buzilishi oqibatida 42 kishi halok bo‘ldi