Foto: «LiveJournal»
Shimoliy Koreyada baliq ovlovchi kema kapitani AQSH radiostansiyasini tinglagani uchun o‘limga hukm qilindi. Kapitan «noto‘g‘ri to‘lqinda»ligidan tegishli joylarni kema ekipaji a’zolari ogohlantirishgan...
Quruqlikka qaytishganida ularni qurollangan askarlar qarshi olib, kapitanni to‘ppa-to‘g‘ri sudga olib ketishgan, yozadi «Medialeaks».
Jurnalistlar yozishicha, Choy familiyali bu inson 50 kemalik flotni boshqargan, hukumat a’zolari, hatto shaxsan Kim Chen Inni ham baliq bilan ta’minlab kelgan.
Biroq «Radio Free Asia» («Ozod Osiyo» radiosi)ni tinglash baliqchiga qimmatga tushdi, kapitan Choyni Koreya Mehnat partiyasi siyosatiga qarshi qo‘poruvchilik harakatida aybdor deb topishdi.
Baliqchilardan biri takabburligi va o‘ziga behurmatlik qilgani uchun ham Choyni hukumatga tutib berganini aytgan. Choy sudda aybiga, to‘g‘rirog‘i, taqiqlangan radiostansiyani tinglaganiga iqror bo‘lgan. 24 yoshidan beri — armiyada radist bo‘lib xizmat qilganidan boshlab bu radioni eshitib kelishini ham yashirmagan.
Harbiydan qaytgach ham eski odatini tashlamagan, aytishicha, radio unga harbiydagi eng yaxshi damlarini eslatarkan. Umuman, baliq ovlarkan, doim xorij radiosini tinglashni xush ko‘rgan.
O‘qilgan hukm va ijrosi, oqibatlari bir-biridan og‘ir va ayanchli: 40 yoshli kapitan Choyni 100 nafar boshqa kapitanlar ko‘z o‘ngida otib tashlashdi. Unga dengizda ishlashga ruxsat bergan partiya amaldorlari va xavfsizlik xizmati xodimlari ishdan olingan. Davlat xavfsizligi organi Choyni «qayta tarbiyalashga endi kechligi bois» unga o‘lim jazosini ravo ko‘rgan... “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Toshkent viloyatida ekologiya inspektorlari hujumga uchradi
Buxoroda yodgorliklarni ta’mirlashga ajratilgan 3,3 mlrd so‘m talon-toroj qilindi
Moskvada "Falungun" sektasi tarafdorlari qo‘lga olindi
Har bir qizning orzusi: turk seriallaridagi eng chiroyli 4 ta to‘y
Shoygu Ukraina dronlariga qarshi qo‘llaniladigan yangi vositalar bilan tanishdi
Ukraina 300 mingta dron sotib olish uchun pul ajratadi
Moskvada Ukrainadan tortib olingan NATO harbiy texnikalari ko‘rgazmasi o‘tkazildi