Rossiyalik diplomatlar Shimoliy Koreyani motorsiz temir yo‘l vagonida tark etdi (foto, video)

^{Foto: Twitter}
Rossiya va Koreya Xalq Demokratik Respublikasi (KXDR) o‘rtasidagi chegaralar bir yildan ortiq vaqtdan buyon yopiq bo‘lgani sababli Rossiya elchixonasi xodimlari va ularning oila a’zolari o‘z vataniga dezina (temir yo‘lda yuradigan motorli yoki motorsiz arava, vagon)da qaytib keldi. Bu haqda Rossiya tashqi ishlar vazirligiga tayanib, «RBK» xabar berdi.

Sakkiz nafar rossiyalik — elchixona xodimlari va ularning oila a’zolari 32 soat davomida poyezdda, ikki soat davomida avtobusda yurib, so‘ng Rossiya tomonga piyoda o‘tib olgan.

«Buning uchun vagon avvaldan yasab qo‘yilib, relslarga o‘rnatilgan, ustiga yuklarni ortib, bolalarni mindirib, so‘ng yo‘lga chiqilgan», — deya qo‘shimcha qildi vazirlik.

Vagonni Rossiyaning Xasan chegara stansiyasigacha — bir kilometrdan ko‘proq masofagacha itarib borishgan. Primore o‘lkasi ma’muriyati tomonidan taqdim etilgan avtobus diplomatlarni Vladivostok aeroportiga yetkazib qo‘ygan. So‘ng ular samolyotda Moskvaga uchib ketgan.

?25 февраля на Родину вернулись 8 россиян-сотрудников российского Посольства в КНДР и членов их семей.

?Поскольку вот уже больше года границы закрыты и пассажирское сообщение прекращено, добираться домой пришлось долгим и трудным путём...

? https://t.co/nFOWeVGdmn pic.twitter.com/G30qgWvjXG

— МИД России ?? (@MID_RF) February 25, 2021

Shimoliy Koreya va Rossiya o‘rtasidagi temir yo‘l harakati koronavirus pandemiyasi sababli 2020 yil 3 fevralda to‘xtatilgan edi. Ilgari poyezdlar Pxenyan—Moskva, Pxenyan—Xabarovsk, Moskva—Tumangan yo‘nalishlari bo‘ylab harakatlanardi.
“Zamin”ni Telegramʻda oʻqing!