11:16 / 16.02.2015
6 324

Ingliz maxsus xizmatlari rus tilini mukammal biladiganlarni ishga olishini e’lon qildi

Ingliz maxsus xizmatlari rus tilini mukammal biladiganlarni ishga olishini e’lon qildi
Britaniya kontrrazvedka (MI5) va razvedka xizmati (MI6) o‘z saytlarida rus tilini mukammal biladiganlarni ishga olishi haqida e’lon joylashtirdi.

MI5 tashkilotiga ishga kirganlarga tergov guruhlari tarkibida ishlash taklif etiladi. Ushbu ish rus tilida yozib olingan telefon suhbatlarini tinglash va qo‘lga kiritilgan hamda musodara qilingan hujjatlarni o‘rganishdan iborat bo‘ladi. Ishga da’vogarlik qilayotganlarning nafaqat rus tilini yaxshi bilishlari, balki “rus madaniyati, tarixi, siyosati, mafkurasi va iqtisodiyotini ham bilishlari” yuqori baholanadi. Ishdan maqsad – “mamlakat milliy xavfsizligiga yashirin tahdidlar haqida asoslangan tasavvurni” yaratishdan iborat.

Ishga da’vogarlar albatta britan fuqaroligiga ega bo‘lishlari hamda “o‘z muvaffaqiyatlari haqida tvitterda jar solmaydigan darajada ehtiyotkor” bo‘lishlari lozim, deb ta’kidlab o‘tdi The Telegraph nashri.

MI6 razvedka xizmati ishga kirayotganlarga “bir vaqtning o‘zida ham qiziqarli, ham foydali” ish bilan mashg‘ul bo‘lishlariga va’da bermoqda. “Bo‘lg‘usi Jeyms Bondlar”ni “tezkor guruhlar tarkibida” ishlash kutmoqda.

“Bu vaziyat Rossiya bilan munosabatlar sovuq urushdan beri kuzatilmagan keskinlashuv darajasiga etganidan guvohlik beradi”, deb maxsus xizmatlar e’loniga izoh berib o‘tdi The Telegraph gazetasi.

Manba: www.kun.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Ingliz maxsus xizmatlari rus tilini mukammal biladiganlarni ishga olishini e’lon qildi
[/banner_pushhouse