Foto: AP Photo/Frank Augstein
Britaniya supermarketlarida oziq-ovqat mahsulotlari tugab bormoqda. Buning sababi - britaniyaliklar taqchillik tufayli mahsulotlarni zaxiralab qo‘ymoqdalar, deb xabar berdi Daily Mail nashri.
Milliy statistika boshqarmasining xabar berishicha, mahsulotlarning sarosimada sotib olinishi mamlakatning har oltinchi fuqarosi 25 sentabrdan 9 oktabrgacha asosiy oziq-ovqat mahsulotlarini xarid qila olmaganiga olib keldi.
9 oktabrda internetda mamlakatdagi do‘konlarning bo‘shab qolgan peshtaxtalari suratlari tarqaldi. Suratlarda, shuningdek, xaridorlar aravachalari hojatxona qog‘ozi va suv bilan uyub tashlanganini ko‘rish mumkin. Minglab xaridorlar Rojdestvo bayramini to‘kin dasturxon atrofida kutib olish uchun 25 dekabrga taomlar yetkazilishini oldindan bronlab qo‘yishgan, har uchinchi britaniyalik esa ushbu kunga mahsulotlarni zaxiralashni boshlagan. The Grocer nashri o‘tkazgan so‘rovnomaga ko‘ra, iste’molchilarning uchdan ikki qismi Rojdestvo bayramiga yeguliklar va ichimliklar tugashidan xavotir bildirmoqda.
Britaniyada bunday vaziyat haydovchilar yetishmayotgani bilan bog‘langan. Mahsulotlarni yetkazish tarmog‘i qo‘shimcha 100 ming xodimga ehtiyoj sezmoqda, chunki Brexit va pandemiya sababli mamlakatdan ko‘plab xorijiy ishchilar ketib qolgan. Bundan tashqari, ishchi kuchi yetishmasligidan mehmonxona biznesi, qishloq xo‘jaligi va oziq-ovqat sanoati ham aziyat chekmoqda. Mamlakatda elektr energiya narxi keskin ko‘tarilgani sababli o‘g‘it ishlab chiqaruvchi korxonalar ishlab chiqarishni to‘xtatishga majbur bo‘lmoqda. Bu esa mamlakatga parranda, chorva go‘shti va qadoqlangan oziq-ovqat mahsulotlari taqchilligi bilan tahdid solmoqda.
Britaniya hukumati muammoni hal qilish uchun qat’iy choralarga bormoqda. Jumladan, yaqinda mahsulotlar yetkazilishiga harbiy haydovchilar jalb qilina boshlandi. Rasmiy shaxslarning ta’kidlashicha, hukumat taqchillikning oldini olish uchun harbiylarga bayram kunlari ham mahsulotlar yetkazishni buyurishi mumkin. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Rossiyaga 100 minggacha harbiy yuborishi mumkin
Eron AQSHdan 1 trln dollar kompensatsiya talab qildi
Tyumen oblastiga O‘zbekistondan mehnat migrantlari ishga jalb qilinadi
Global ochlik va qashshoqlikka qarshi kurash alyansiga 82 mamlakat a’zo bo‘ldi
Kim Chen In harbiylarni jangovar holatda turishga chaqirdi
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Omega-3 qanday qilib ozishga yordam beradi?
Xatolar va mag‘lubiyatlar... ular kechiriladimi?
