Foto: Qozog‘iston FVV
Qozog‘istonning Olmaota viloyatidagi Knijevsk suv ombori to‘g‘onining bir qismi yorilib ketdi. Bu haqda Qozog‘iston Respublikasi Favqulodda vaziyatlar vazirligi rasmiy vakili Talgat Ualiga tayanib, Tengrinews xabar berdi.
2021 yil 21 noyabr kuni mahalliy vaqt bilan soat 23:13 da (Toshkent vaqti bilan 22:13) to‘g‘onning Minboyev qishlog‘i yaqinidagi qismi buzilgan. Suv omborining umumiy hajmi 4,47 million kub metrni tashkil etadi, ayni paytda uning 50 foizi suv bilan to‘la. Tuynukning kengligi 5-6 metrni tashkil etadi, undan sekundiga taxminan 30 kub metr suv oqib chiqmoqda, deya xabar berdi FVV.
Xabarga ko‘ra, hodisa oqibatida hech kim jabrlanmagan, uylar suv ostida qolmagan. Minboyev—Qosimbek hududiy avtomobil yo‘li ustidan suv oqib o‘tmoqda. Politsiya xodimlari yo‘l bo‘ylab harakatni cheklash uchun postlar o‘rnatdi.
«Oqava suvlar hajmi kamayib bormoqda. Qarg‘ali daryosi bo‘ylab aylanma yo‘l o‘tkazilmoqda, ayni damda aholi punktlarini suv bosish xavfi yo‘q. Voqea joyida Olmaota viloyati Favqulodda vaziyatlar boshqarmasi boshlig‘i boshchiligidagi Qozog‘iston Respublikasi Favqulodda vaziyatlar vazirligining bo‘linmalari, mahalliy ijro hokimiyati organlari xodimlari va boshqa ma’sul xizmatlar ishlamoqda. Voqea joyida va Favqulodda vaziyatlar vazirligi binosida falokatni bartaraf etish shtabi tuzildi», — deya ma’lum qildi Qozog‘iston Respublikasi FVV.
Foto: Qozog‘iston FVV
Foto: Qozog‘iston FVV
Foto: Qozog‘iston FVV
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Uchar avtomobil yo‘lovchi bilan birinchi parvozini amalga oshirdi (video)
Lukashenko G‘arbga tahdid bilan chiqdi
Mariya Zaxarova ukrainaliklarni Amerika hindulariga o‘xshatdi