Nazarboyev iste’foga chiqdi. To‘qayev — Xavfsizlik kengashining yangi rahbari

^{Foto: Getty Images}
Qozog‘iston prezidenti Qosim-Jo‘mart To‘qayev mamlakatda sodir bo‘layotgan namoyishlar fonida qozog‘istonliklarga murojaat qildi.

To‘qayev mamlakat televideniyesi orqali qilgan chiqishida Qozog‘iston Xavfsizlik kengashi rahbari bo‘lganini e’lon qildi. 2019 yilda mamlakatning birinchi prezidenti Nursulton Nazarboyev davlat rahbarligidan ketgach, butun umrga kengash rahbari bo‘lgandi.

To‘qayev mamlakatni va poytaxtni tark etmasligini aytdi.

«Nima bo‘lishidan qat’i nazar men poytaxtda qolaman. Xalq bilan birga bo‘lish mening konstitutsion burchim. Qozog‘iston tarixidagi bu qora chiziqdan birgalikda va kuchliroq bo‘lib chiqamiz. Tez orada siyosiy transformatsiya bo‘yicha takliflar bilan chiqaman. Islohotlarni qo‘llash borasida o‘z pozitsiyamda sobit qolaman», dedi To‘qayev.

Qozog‘iston prezidenti endilikda namoyishlarda sodir etilayotgan qonunbuzarliklarga qarshi maksimal darajada qattiqqo‘llik bilan harakat qilinishini aytdi.

U tez orada qozog‘istonliklarga yangi takliflar bilan yana murojaat qilishi kutilyapti. Shuningdek, To‘qayev namoyishlar vaqtida harbiylar orasida qurbonlar ham bo‘lganini aytdi. “Zamin” yangiliklarini “Odnoklassniki”da kuzatib boring