Foto: admwe
Saudiya Arabistoni hukumati malika Basma bint Saudni uch yillik qamoqdan so‘ng ozodlikka chiqardi. U 2019 yilning mart oyidan beri hibsda edi. Bu haqda inson huquqlarini himoya qiluvchi Human Rights tashkilotining Saudiyadagi bo‘limi 8 yanvar kuni Twitter’da e’lon qilgan.
Qayd etilishicha, 57 yoshli malika va uning qizi qamoqdan ozod etilgan. «2019 yilning martidan beri qamoqda saqlanayotgan Basma bint Saud al-Saud va uning qizi Suxod ozod etildi», — deyiladi xabarda.
2020 yilning aprel oyida Basma qirol Salmon va valiahd shahzoda Muhammad bin Salmondan sog‘lig‘idagi muammolar sababli uni qo‘yib yuborishni so‘ragan.
Malika Basma Saudiya Arabistonining sobiq hukmdori, mamlakatni 1964 yilgacha boshqargan va davlat to‘ntarishi natijasida ag‘darilgan Saud ibn Abdulaziz al-Saudning qizi. Malika ijtimoiy islohotlar va gender tengligi uchun kurashgan.
Basma bint Saud davolanish uchun Shveysariyaga uchib ketmoqchi bo‘lganida to‘satdan g‘oyib bo‘lgan, keyinroq uning hibsga olingani ma’lum bo‘ldi. Hukumat malika va uning qizini mamlakatni noqonuniy ravishda tark etishga urinishda aybladi — bu Saudiya Arabistonida jinoyat hisoblanadi. Malikaning qizi kiberjinoyatlarda ham ayblangan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Kreml Ukraina bo‘yicha muzokarada shartlar qo‘yishga urinmoqda
AQSH harbiylari orasida o‘z joniga qasd qilish ko‘paydi
Erdo‘g‘on Turkiya Isroil bilan aloqalarini uzganini ma’lum qildi
Pashinyan Armanistonning Mustaqillik deklaratsiyani eng katta muammo va fojia deb atadi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Har qanday katta yoshdagi kishi yetuk emas
Yaxshi pishgan va mazali anor tanlashga yordam beradigan tavsiyalar
