Qozog‘istonda tartibsizliklarda kimlar qatnashgani aytildi

Qozog‘iston davlat kotibi Yerlan Karinning aytishicha, mamlakatda yaqinda ro‘y bergan tartibsizliklarda bir qator radikal, ekstremistik tashkilotlar a’zolari ishtirok etgan.

“Bizning razvedka xizmatlarimiz Qozog‘iston hududida faoliyat olib borgan bir qator radikal-ekstremistik tashkilotlar a’zolarining so‘nggi voqealarda ishtirok etganini aniqladi. Shuningdek, xorijiy ekstremistik tashkilotlarning qozog‘istonlik radikallari bu voqealardan yangi hujumlar uyushtirish uchun foydalanishga uringan. Bu urinishlar o‘z vaqtida to‘xtatildi”, – dedi u “Xabar-24” telekanaliga bergan intervyusida.

Yerlan Karinning so‘zlariga ko‘ra, maxsus xizmatlar 20 dekabr kuni bir vaqtning o‘zida respublika hududiga bir guruh xorij fuqarolari kelganini, ular 7 va 8 yanvar kunlari turli yo‘nalishlarda Qozog‘istonni tark etishga uringanini ham ta’kidladi. “Zamin”ni Telegramʻda oʻqing!