To‘qayev tizimli korrupsiyani Qozog‘istondagi tartibsizliklarning sababi deb atadi

^{Foto: inform.kz}
Qozog‘iston prezidenti Qosim-Jo‘mart To‘qayev mamlakatda sodir bo‘lgan fojiali yanvar voqealarini mustaqillikning barcha yillarida kuzatilgan eng og‘ir sinov deb atadi.

«Hech kimga sir emaski, tizimli korrupsiya yanvardagi voqealarga o‘ziga xos turtki bo‘ldi», dedi To‘qayev juma kuni «Nur Otan» partiyasining navbatdan tashqari qurultoyida.

Shu bilan birga, To‘qayevning fikricha, yanvar voqealari Qozog‘iston jamiyatning yetukligi va davlatning qobiliyati bo‘yicha imtihondan muvaffaqiyatli o‘tganini ko‘rsatdi.

«Ammo biz bu voqealarning barcha sabab va oqibatlarini chuqur tahlil qilishimiz kerak. Fojiadan barcha saboq chiqarishi kerak», - dedi To‘qayev.

«Biz konstitutsiyaviy tuzumga, davlat asoslariga, mamlakat yaxlitligiga, xalq birligiga putur yetkazishga va hokimiyatni egallab olishga qaratilgan puxta rejalashtirilgan hujumga duch keldik», - dedi To‘qayev.

Yanvar oyi boshida Janao‘zen shahrida (mamlakat g‘arbida) boshlangan tinch namoyishlar iqtisodiy va siyosiy talablar bilan butun mamlakat bo‘ylab ommaviy norozilik namoyishlariga aylanib ketdi.

Ba’zi hududlarda tartibsizliklar boshlandi, ma’muriy binolar, politsiya bo‘limlari va do‘konlarga hujum qilindi. Jinoiy to‘dalarning harakatlaridan eng ko‘p Olmaota shahri jabr ko‘rdi.

O'zbekiston yangiliklari Yangiliklar