Putin Rossiyaga qarshi sanktsiyalarga javob harakatlari koʻzda tutilgan farmonni imzoladi

^{Foto: «TASS»}
Vladimir Putin AQSh hamda boshqa gʻarb davlatlarining doʻstona boʻlmagan harakatlari va xorij davlatlari, xalqaro tashkilotlarning cheklovlariga qarshi iqtisodiy chora-tadbirlar toʻgʻrisida farmonni imzoladi. Bu haqda «RBK» xabar bergan.

Farmonga muvofiq eksportyorlar 2022 yil 1 yanvardan hisoblangan valyutadagi daromadining 80 foizini sotishi zarur. Eksportyorlarning xorijiy valyuta sotuvi tartibi Rossiya markaziy banki tomonidan oʻrnatiladi.

Shuningdek, Putin xorij valyutasida qarz oladigan Rossiya rezidentlariga mamlakat tashqarisidagi banklardan valyuta oʻtkazishni taqiqladi.

Xorijdagi etkazib beruvchilar nomidan ish koʻrayotgan Rossiya rezidentlariga pul oʻtkazmalarini elektron toʻlov vositalari hisob raqamini ochmasdan amalga oshirish taqiqlandi.

Rossiyaga qarshi bir qator davlatlar, xususan EI, AQSh, Kanada, Yaponiya, Avstraliya va boshqa mamlakatlar sanktsiyalar joriy etgan. Cheklovlar Rossiya banklari (VTB va Sberbank ham bor), Rossiyadan yuqori texnologiya mahsulotlarini eksport qilish, Markaziy bank, Moliya vazirligi, Rossiya taraqqiyot jamgʻarmasi va katta davlat korporatsiyalari, Rossiya xavfsizlik kengashi a'zolari, Davlat dumasi deputatlariga nisbatan ham tatbiq qilingan.

Rossiya 24 fevralda Ukrainada harbiy operatsiyalar boshlaganini e'lon qildi. Putin ushbu harbiy operatsiyani Ukrainani demilitirizatsiya va denatsifikatsiya qilishning asosiy vazifalaridan biri deb atagan. Kiev Moskvaning ushbu harakatlarini urush deb baholagan. Mamlakatda harbiy favqulodda holat e'lon qilingan va urushga yaraydigan aholi harbiy safarbarlikka jalb qilingan. “Zamin” yangiliklarini “Telegram”da kuzatib boring