Ozarbayjon Armanistonga o‘zaro munosabatlarni izga solishni nazarda tutuvchi besh banddan iborat taklif bilan murojaat qildi. Bu haqda Ozarbayjon tashqi ishlar vaziri Jayhun Bayramov ma’lum qilgan.
«Yaqinda Ozarbayjon ezgu niyat ifodasi o‘laroq Armanistonga yangi taklif yo‘lladi. Biz Armaniston tomoniga ikki mamlakat munosabatlarini izga solishga qaratilgan ayrim fundamental tamoyillarni taqdim etdik. Muayyan tamoyillarga ko‘ra robitalarni rivojlantirish istagini bildirdik. Armaniston uni ko‘rib chiqib o‘z javobini berishi kerak», – deydi J.Bayramov.
O‘zaro chegaralarni demarkatsiya qilish masalasi rasmiy Boku Yerevanga yo‘llagan takliflardan biri sanaladi. Endilikda takliflarni ko‘rib chiqish uchun ikki tomonlama komissiya tuzilishi va galdagi qadamlar muhokama etilishi kutilmoqda.
Anadolu axborot agentligi xabariga ko‘ra, Antaliyada bo‘lib o‘tgan diplomatik forum doirasida Ozarbayjon tashqi ishlar vaziri Jayhun Bayramov rossiyalik hamkasbi Sergey Lavrov bilan uchrashgan. Ushbu uchrashuvda ham Ozarbayjon hamda Armaniston chegarasini delimitatsiya va demarkatsiya qilish masalasi muhokama etilgan.
2020 yilning 27 sentabridan 10 noyabriga qadar Qorabog‘da davom etgan 44 kunli urush yakunida Ozarbayjon xalqaro huquq me’yorlariga ko‘ra o‘ziga tegishli bo‘lgan hududlarni qaytarib oldi. 2020 yil 10 noyabr kuni Ozarbayjon, Armaniston va Rossiya rahbarlari o‘t ochishni to‘xtatish haqida uch tomonlama bitim imzoladi.
Tahlilchilarga ko‘ra, rasmiy Bokuning Yerevanga munosabatlarni me’yorlashtirish borasida taklif bilan murojaat qilgani muhim yangilik sanaladi. Chunki bu ko‘p yillardan buyon ziddiyatli munosabatga ega bo‘lib kelayotgan ikki davlat o‘rtasida risoladagidek aloqalarni yo‘lga qo‘yish borasida dastlabki qadam bo‘lishi mumkin. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya Kursk viloyatidagi hududlarini qaytarib olishga 50 ming harbiy to‘pladi
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
AQSH Isroilga puli to‘langan buldozerlarni bermadi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
