Qamaldagi Mariupol. Rus armiyasidan qochayotgan odamlar — Ukrainadagi urushning ikki kunidan fotoreportaj

Ukrainadagi urush oʻn etti kundan beri davom etmoqda. 11 mart kuni Mariupol hukumati turar joylarning «ayovsiz» oʻqqa tutilishi oqibatida 1582 nafar tinch aholi halok boʻlganini ma'lum qildi. Rossiya tomonidan bosib olingan Melitopol shahrining meri oʻgʻirlab ketildi — Lugansk va Donetsk xalq respublikalarida u terrorizmga yordam berishda gumon qilinayotgani aytilgan. Rossiya Donbassga Yaqin Sharqdan minglab «koʻngillilar»ni, shuningdek, rus yollanma askarlarini joʻnatmoqchi — Sergey Shoyguning soʻzlariga koʻra, Mudofaa vazirligi «ozodlik harakati»da qatnashishni xohlovchilardan 16 mingta ariza qabul qilib olgan».

12 mart kuni Ukraina prezidenti Vladimir Zelenskiy Rossiya bosqini boshlangandan buyon 1300 nafar ukrainalik askar halok boʻlgani haqida e'lon qildi. Chernigov mahalliy hokimiyati vakillarining ma'lum qilishicha, hudud elektr, suv, gaz va issiqlik ta'minotisiz qolgan. Moskva va Kiev videoaloqa orqali muzokaralarni davom ettirmoqda. Rossiya rasmiylari Xerson viloyatida «XXR kvazi-respublikasini» tashkil etish maqsadida referendum oʻtkazishni rejalashtirayotganlikda gumon qilinmoqda. NATO Norvegiyada keng koʻlamli harbiy mashgʻulotlarni boshladi. Meduza 11—12 mart kunlarida urush zonasidan olingan asosiy fotosuratlarni taqdim qildi.

<sup>Ota va oʻgʻil yaqinlarini olib ketayotgan evakuatsiya poezdini kuzatib qolmoqda. Poezd Kievdan Lvovga boradi. 11 mart, 2022 yil
Foto: Reuters

Kievdagi erosti avtoturargohida ayol hududiy mudofaa kuchlari harbiy xizmatchisining sochini olmoqda. 11 mart, 2022 yil
Foto: AFP

Ukraina qurolli kuchlarining harbiy xizmatchilari Lugansk viloyatida. 11 mart, 2022 yil
Foto: AFP

Donetsk viloyatining Anadol qishlogʻida ishdan chiqarilgan tank. 11 mart, 2022 yil
Foto: Reuters

Lvov yaqinidagi Soposhin qishlogʻida politsiya katta serjanti Roman Rushishinning dafn marosimi boʻlib oʻtmoqda. Rushishin Lugansk viloyatida halok boʻlgan. 11 mart, 2022 yil
Foto: AP Photo

Oʻt oʻchiruvchilar Dneprdagi aviazarba oqibatida vayron boʻlgan poyabzal fabrikasida yongʻinni oʻchirmoqda. 11 mart, 2022 yil
Foto: AFP

Kiev osmonida raketa izi. 11 mart, 2022 yil
Foto: AP Photo

Kievdan Lvovga poezd orqali evakuatsiya qilinayotgan odamlar. 11 mart, 2022 yil
Foto: Reuters

Nikolaevdagi oʻlikxona hovlisida qopdagi jasadni koʻtarib ketayotgan erkaklar. Nikolaev viloyati ma'muriyati rahbari Vitaliy Kimning soʻzlariga koʻra, 11 mart kuni Rossiya qoʻshinlari tinch aholi ob'ektlarini oʻqqa tutishda davom etgan.
Foto: AFP

Mariupoldagi otishmadan soʻng turar joy binosida yuz bergan portlash. 11 mart, 2022 yil
Foto: AP Photo

Mariupolda turar joy maydoni oʻqqa tutilganidan keyin yonayotgan uy. 12 mart, 2022 yil
Foto: AP Photo

Mariupoldagi Ukraina askari. Bir haftadan ortiq qamalda qolayotgan shahar elektr, gaz va suvdan uzilgan. 12 mart, 2022 yil
Foto: AP Photo

Mariupol chetidagi rus tanki. 12 mart, 2022 yil
Foto: AP Photo

Mariupoldagi kasalxona yoʻlagida bolasi bilan oʻtirgan ayol. Uning ikkinchi farzandi shahardagi otishma paytida halok boʻlgan. 12 mart, 2022 yil
Foto: AP Photo

Kievdagi bunkerda kitob oʻqib oʻtirgan ayol. 12 mart, 2022 yil
Foto: Xinhua

Irpen va Bucha shaharlaridagi odamlar Rossiya qoʻshinlaridan qochmoqda. 12 mart, 2022 yil
Foto: The Washington Post

Kiev yaqinidagi Irpen shahrida Ukraina harbiylari jasadni zambilda olib ketmoqda. 12 mart, 2022 yil
Foto: Reuters

Rossiyalik desantchining jasadi yaqinida turgan ukrainalik askar. Irpen 12 mart, 2022 yil
Foto: AFP

Donetsk viloyati, Volnovaxa shahridagi janglardan keyin turar joy binolari. 12 mart, 2022 yil
Foto: Reuters

Turar joy binosi oldida yigʻlab oʻtirgan ayol. 12 mart, 2022 yil
Foto: Reuters

Xarkovdagi kafe otishmadan keyin. 12 mart, 2022 yil
Foto: AP Photo

Kiev yaqinida gaubitsalarning (artilleriya quroli) janubi-sharqiy yoʻnalishda oʻq uzayotgani aks etgan sun'iy yoʻldosh tasviri. 12 mart, 2022 yil
Foto: EPA</sup> “Zamin” yangiliklarini “Telegram”da kuzatib boring