18:28 / 03.04.2022

Urushning 38-kuni: Rossiya armiyasi Kiyev viloyatidan chiqib ketdi, ko‘chalarda esa o‘nlab tinch aholining jasadlari qoldi

Urush 38 kundan beri davom etmoqda. Kiyev viloyatidan Rossiya qo‘shinlari chiqib ketgandan so‘ng ko‘chalarda o‘nlab tinch aholining jasadlari qolgan – ularning ba’zilari qo‘llari bog‘langan holda topilgan. Human Rights Watch huquq himoyachilarining aytishicha, Bucha shahrida kamida bitta sudsiz qatl holati qayd etilgan.

Mariupol elektr, suv va gazsiz qolmoqda. Irpen aholisi o‘rmonga dafn etilmoqda. Rossiya bilan muzokaralarda Ukraina delegatsiyasiga rahbarlik qiluvchi David Araxamiyaning ma’lum qilishicha, Rossiya Kiyevning tinch yo‘l bilan tartibga solish loyihasini og‘zaki qabul qildi – Qrim bo‘yicha taklif bundan mustasno. Meduza 2 aprel kuni urush zonasidan olingan asosiy fotosuratlarni jamladi.

^{Dunyodagi eng katta samolyot An-225 «Mriya» yonida turgan ukrainalik askar. «Mriya» urushning dastlabki kunlarida rus qo‘shinlari tomonidan yo‘q qilingandi. Kiyev viloyati, Gostomel posyolkasi.
Foto: Reuters}

^{Kiyev viloyatining Irpen shahriga kiraverishdagi vayron bo‘lgan ko‘prik.
Foto: EPA}

^{Xarkov aholisi buzilgan turar joy binosi yonida.
Foto: AFP}

^{Bucha shahridagi ko‘chada odamlarning jasadi. Bu yerda va Kiyev viloyatining boshqa aholi punktlarida rus qo‘shinlari olib chiqib ketilgandan so‘ng, ko‘plab jasadlar topilgan. Ukraina rasmiylari va ommaviy axborot vositalariga ko‘ra, bular — rossiyalik harbiylar tomonidan o‘ldirilgan tinch fuqarolar.
Foto: AFP}

^{Ukrainalik politsiyachi rus harbiy texnikasi vayronalari yonidan o‘tmoqda. Kiyev g‘arbidagi Dmitrovka qishlog‘i. Ukraina mudofaa vaziri o‘rinbosari Anna Malyar Kiyev viloyatida Rossiya qo‘shinlari qolmaganini aytdi.
Foto: AFP}

^{Ukraina askarlari ishdan chiqarilgan mashina yonidan tank haydab o‘tmoqda. Kiyev viloyati.
Foto: AP Photo}

^{O‘qqa tutilib, vayron bo‘lgan uy yonidan o‘tayotgan mariupolliklar. Shaharda janglar hamon davom etmoqda. Odamlar elektr, suv va gazsiz qolgan.
Foto: «TASS»}

^{Lugansk viloyatining Rubijnoy shahrida gumanitar yordam tarqatish jarayoni.
Foto: «TASS»}

^{Tank bosib ketgan mashina. Kiyev yaqinidagi Dmitrovka qishlog‘i.
Foto: EPA}

^{Kiyevdan 40 kilometr uzoqlikdagi Yasnogorodka qishlog‘ida vayron qilingan qo‘riqxonada yurgan tuyaqush. Yasnogorkadagi ekopark kiyevliklar uchun sevimli joylardan biri edi.
Foto: EPA}

^{Front chizig‘idan unchalik uzoq bo‘lmagan Xarkov yaqinidagi Chuguyev shahri kasalxonasida yotgan yaradorlar. Xarkov bir oydan ko‘proq vaqt davomida shiddat bilan o‘qqa tutildi.
Foto: EPA}