Foto: Kreml sayti
Rossiya prezidenti Vladimir Putin Mariupoldagi sanoat zonalarini shturm qilish maqsadga muvofiq emasligini aytib, uni bekor qilishni buyurdi. Bu haqda Putin mudofaa vaziri Sergey Shoygu bilan uchrashuvda ma’lum qildi.
«Bu biz o‘ylashimiz kerak bo‘lgan holat, — ya’ni, biz doimo o‘ylashimiz kerak, ammo hozirgi holatda ko‘proq, — askarlarimiz va ofitserlarimiz hayoti va sog‘ligini. Bu sanoat ob’ektlaridagi katakombalarga (yer ostidagi aylanma chalkash yo‘llar) tushib, emaklash kerak emas», — degan Putin.
«Mazkur sanoat zonasini hatto pashsha ham uchib o‘ta olmaydigan qilib, bloklab qo‘ying», — deya qo‘shimcha qilgan prezident.
Shoygu Putin bilan uchrashuvda «Azovstal»dan tashqari butun Mariupol rossiyalik harbiylar nazoratiga o‘tganini ma’lum qilgan. «Azovstal»da ikki ming atrofida ukrain jangchilari yashiringani, u yerda shuningdek tinch aholi vakillari bo‘lishi mumkinligi aytilgan. Vazir zavod hududi o‘rab olinganini qo‘shimcha qilgan.
Shoygu Ukraina armiyasining Mariupoldagi yo‘qotishlarini ma’lum qilgan: 8,1 ming harbiydan 4 mingdan ortig‘i halok bo‘lgan, 1478 nafar ukrain harbiysi asir tushgan.
Uning ma’lumotiga ko‘ra, urush boshidan buyon Rossiya kuchlari Mariupoldan 142 ming kishini evakuatsiya qilgan. So‘nggi kunlarda Rossiya «Azovstal»dan tinch aholi vakillari chiqishi uchun sukunat rejimi e’lon qilgan, ammo u yerdan hech kim chiqmagan. «Ammo boshqa tinch fuqarolar, 100 mingdan ortiq kishi, chiqa oldi», — deya qo‘shimch qilgan vazir.
«Haligacha qurolni tashlamaganlarning barchasiga yana taklif qiling. Rossiya tomoni tegishli xalqaro huquqiy hujjatlarga muvofiq ularning hayoti omon qolishi va ularga munosib muomalada bo‘lishni kafolatlaydi. Yaradorlarning barchasiga malakali tibbiy yordam ko‘rsatiladi», — degan Putin.
Azovstal, Mariupol, Rossiya prezidenti Rossiya va Ukraina urushi “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Tramp Putinga qo‘ng‘iroq qilib, Ukrainadagi urushni muhokama qildi
Immunitetni ko‘tarish uchun 6 ta eng yaxshi vitamin
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
KXDR askarlarlari urushga kirdi. Razvedka nima demoqda?
Ramzan Qodirov Allamjonovga uyushtirilgan suiqasd yuzasidan munosabat bildirdi
Kiyev: Tramp inauguratsiyasigacha «tinchlik rejalari» haqidagi gaplar asossiz
