Tejamkor bo‘l!
Yulduzim! Bugun senga aytadigan nasihatlarim tejamkorlik haqida bo‘ladi. O‘ylaymanki, bu senga keyingi hayotingda juda asqotadi.
Aytishlaricha, qadimda bir yigit uylanibdi. U bir kuni rafiqasiga bir xaltachada choy olib kelibdi. Xotini choyni idishga solib xaltachasini axlatga tashlabdi. Yigit bu ayol bilan ajrashibdi va ikkinchi bor uylanibdi. Bu rafiqasiga bir xaltachada qahva olib kelibdi. Bu xotin ham qahvani maxsus idishga solib xaltachasini o‘choqda yoqib yuboribdi. Yigit bu xotinning ham javobini beribdi.
U uchinchi bor uylanibdi. Bu xotinga ham xaltachalarda qahva va choy olib kelibdi. Rafiqa mahsulotlarni idishlarga joylab, xaltachalarini qoqib olib qo‘yibdi.
Yigit: «Xaltachalarni nega tashlab yubormadingiz?»”, - deb so‘rabdi.
Ayol: “Kerakli toshning og‘iri yo‘q xojam. Bir ehtiyojimizga asqotib qolar”, ¬ deb javob beribdi.
Yigit izlagani shu ayol ekanligini tushunibdi va ular baxtli hayot kechirishibdi.
Bolajonim! Yigitni baxillikda ayblashga shoshilma. Oilada ayol kishi tadbirkor, tejamkor bo‘lsa, baraka arimaydi. Masalan, sen eskirdi deb tashlab yuborayotgan jinsi yubkachangdan ajoyib sumkacha tikish mumkin. Esingdami, men o‘zimning kiyilmaydigan kiyimlarimdan senga chiroyli ko‘ylakchalar tikib berardim.
Asal qizim! Hattoki suv ichib tashlab yuboradigan yelim idishdan ro‘zg‘or uchun kerakli uy-ro‘zg‘or buyumlari yasash mumkin. Tejamkorlik, bolajonim, ayolning bebaho fazilatlaridan biri ekanligi umrbod yodingda bo‘lsin!
Saida IBODINOVA
Manba: Azon.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
Gretsiyada minglab odamlar NATOga qarshi namoyish o‘tkazdi
Germaniya razvedkasi rahbari: “Rossiya yaqin yillarda NATOga hujum qilishi mumkin”
Medvedev Rossiya NATO harbiy bazalariga zarba yo‘llashi mumkinligini istisno qilmadi
Eron Isroil bilan keng ko‘lamli urushga tayyorligini ma’lum qildi
100 mln so‘mgacha bo‘lgan kreditlar soddalashtirilgan tartibda ajratiladi
Bosh kiyimsiz yurishning organizmga qanday ta’siri bor?
Organizmda qaysi turdagi vitamin yetishmayotganini qanday aniqlash mumkin?
