Kriptovalyuta bozorida kuzatilgan navbatdagi muvaffaqiyatli savdo operatsiyasi ko'pchilikning e'tiborini tortdi. On chain ma'lumotlariga ko'ra, 0xC45A manziliga ega treyder Ethereum aktivlari bilan amalga oshirgan operatsiyasi orqali qisqa muddatda katta miqdorda daromad olishga muvaffaq bo'ldi.
Aniqlanishicha, 2024 yil 24 fevral kuni treyder birjadan 3 000 dona Ethereum valyutasini sotib olgan. O'sha vaqtda bitta tanga narxi taxminan 1 853 dollarni tashkil etgan va umumiy bitim qiymati 5,56 million dollarga yetgan. Treyder o'z strategiyasini to'g'ri tanlab, aktivlar narxi ko'tarilishini kutgan.
Oradan bir necha kun o'tib, aniqrog'i 11 soat avval, xuddi shu 3 000 dona Ethereum yana birjaga qaytarilgan. Bu safar kriptovalyuta narxi 2 183 dollar atrofida bo'lgan. Natijada treyder klassik arzon olib qimmat sotish usuli orqali atigi bir necha kun ichida 991 ming dollar sof foyda ko'rdi. Ushbu ma'lumotlar Blockchain Texno telegram kanali tomonidan e'lon qilindi.
“Zamin”ni Telegramʻda oʻqing!
