Avtomashina sotildi va ijro hujjati ijrosi ta’minlandi

Majburiy ijro byurosining Uchko‘prik tuman bo‘limi ish yurituvida fuqarolik ishlari bo‘yicha Qo‘qon tumanlararo sudining 17.02.2022 yildagi qarzdor T.X. dan undiruvchi AA Xalq banki Qo‘qon filiali foydasiga 61.400.000 so‘m kredit qarzi undirish, undiruvni qarzdorga tegishli 2019 yilda ishlab chiqarilgan, Nexia 3 rusumli, 28.06.2019 yilgi Ipoteka shartnomasiga asosan garovga olingan avtomashinaga qaratish to‘g‘risidagi 17.03.2022 yilda qo‘zg‘atilgan ijro ishi mavjud edi.

Bundan tashqari, shu sudning 24.02.2022 yildagi qarzdor T.X. dan undiruvchi Hamkorbank Qo‘qon filiali foydasiga 23.616.329 so‘m miqdorida kredit qarzi undirish to‘g‘risidagi 25.03.2022 yilda qo‘zg‘atilgan ijro ishi mavjud bo‘lib, mazkur ijro ishlari o‘zbekiston respublikasining “sud hujjatlari va boshqa organlar hujjatlarini ijro etish to‘g‘risida” gi Qonunning 25-1-moddasiga asosan birlashtirilgan.

Mazkur ijro ishi yuzasidan garovga qo‘yilgan qarzdorga tegishli avtomashina davlat ijrochisining 18.03.2022 yildagi dalolatnomasiga asosan xatlangan.

Garovga qo‘yilgan avtomashinaning boshlang‘ich bahosi 10.06.2019 yilgi kelishuv dalolatnomasiga asosan 86.467.975 so‘m etib belgilangan.

Ijro hujjati ijrosini ta’minlash maqsadida xatlangan mulk elektron onlayn-auksionlarni tashkil etish markazi orqali «e-ijro auksion» yagona elektron savdo maydonchasida sotish uchun chiqarilgan.

16.05.2022 yilgi auksion savdolarida avtomashina sotilib, sotuvdan tushgan pul mablag‘lari undiruvchilarning hisob raqamlariga o‘tkazilishi ta’minlanib ijro ishlari tamomlandi hamda sotilgan avtomashina auksion g‘olibiga topshirildi. “Zamin” yangiliklarini “Facebook”da kuzatib boring