O‘zbekistonda 2022 yilda qancha o‘quvchi maktabni bitirayotgani ma’lum bo‘ldi

O‘zbekistonda 2021/2022-o‘quv yilida umumta’lim muassasalarining 11-sinfini jami 392,9 ming nafar o‘quvchi tamomlaydi. Bu haqda Davlat statistika qo‘mitasi xabar berdi.

Shuningdek, qo‘mita ma’lumotlariga ko‘ra, 9-sinfni 531,3 ming nafar o‘quvchi tamomlamoqda.

11-sinf bitiruvchilarining 209,6 ming nafarini (53,3 foiz) qiz bolalar va 183,3 ming nafarini (46,7 foiz) o‘g‘il bolalarni tashkil etgan bo‘lsa, 9-sinf bitiruvchilarining 258,1 ming nafarini esa (48,6 foiz) qiz bolalar hamda 273,2 ming nafarini (51,4 foiz) o‘g‘il bolalarni tashkil etmoqda.

2021/2022- o‘quv yili boshiga hududlar kesimida 11-sinf bitiruvchilari soni quyidagicha:
Qoraqalpog‘iston – 21,3 ming nafar;
Andijon – 30,5 ming nafar;
Buxoro – 23,0 ming nafar;
Jizzax – 16,9 ming nafar;
Qashqadaryo – 42,8 ming nafar;
Navoiy – 11,6 ming nafar;
Namangan – 30,4 ming nafar;
Samarqand – 45,3 ming nafar;
Surxondaryo – 32,4 ming nafar;
Sirdaryo – 9,1 ming nafar;
Toshkent – 30,9 ming nafar;
Farg‘ona – 43,4 ming nafar;
Xorazm – 23,4 ming nafar;
Toshkent shahri – 31,9 ming nafar. “Zamin” yangiliklarini “Instagram”da kuzatib boring