O‘zbekiston etnik qozoqlarning ko‘chib ketishi bo‘yicha birinchi o‘rinda

^{Foto: Gov.kz}
5,6 ming nafardan ziyod etnik qozoq 2022 yil boshidan beri kandas (qondosh, vatandosh) maqomiga ega bo‘ldi, deya ma’lumot berdi Qozog‘iston mehnat va aholini ijtimoiy muhofaza qilish vazirligi.

1 iyunga kelib, tarixiy vataniga qaytgan va fuqarolik olgan etnik qozoqlar soni 5 679 nafarni tashkil etdi. 1991 yildan to hozirgacha 1 mln 93,5 ming nafar etnik qozoq Qozog‘istonga ko‘chib o‘tgan.

Vazirlik yil boshidan beri Qozog‘istonga kelib o‘rnashgan etnik qozoqlar qaysi mamlakatlardan ekanini ham ochiqladi:

- O‘zbekiston — 68,7 foiz (3 901 nafar)
- Xitoy — 10,4 foiz
- Turkmaniston — 8,8 foiz
- Mo‘g‘uliston — 2,6 foiz
- Boshqalar — 9,5 foiz.

Ko‘chib kelganlarning 63,2 foizi — mehnat layoqatiga egalar, 22,8 foizi — voyaga yetmaganlar, 14 foizi — pensionerlar.

Qozog‘istonga ko‘chib kelgan qozoqlarning ta’lim darajasi:

- Oliy ma’lumotlilar — 11,4 foiz
- O‘rta-maxsus ta’lim — 40,3 foiz
- Umumiy o‘rta ta’lim — 46,6 foiz
- Ta’lim olmaganlar — 1,7 foiz.