Fuqarolar foydasiga merosdan ulush undirildi

Qonunchiligimizda, meros qoldiruvchining voyaga yetmagan yoki mehnatga qobiliyatsiz bolalari, shu jumladan farzandlikka olgan bolalari, shuningdek mehnatga qobiliyatsiz eri-xotini va ota-onasi, shu jumladan uni farzandlikka olganlar, vasiyatnomaning mazmunidan qat’i nazar, qonun bo‘yicha voris bo‘lganlarida ulardan har biriga tegishi lozim bo‘lgan ulushning kamida yarmini meros qilib oladilar. Biroq, ayrim hollarda bu amalga oshmaydi, oqibatda meros ishi sud tartibida ko‘rib chiqiladi.

Byuroning Samarqand shahar bo‘limi ish yurituvida fuqarolik ishlari bo‘yicha Samarqand shahar sudining 2022 yil 5 iyuldagi ijro hujjatiga asosan javobgar M.N.dan undiruvchilar M.Z.ning foydasiga 140 mln. 527 ming so‘m, A.D.ning foydasiga 46 mln. 842 ming so‘m, M.Z.ning foydasiga 46 mln. 842 ming so‘m, A.U.ning foydasiga 46 mln. 842 ming so‘m ulushni undirish to‘g‘risidagi ijro hujjati mavjud.

Majburiy ijro harakatlari davomida javobgar M.N.dan undiruvchilar M.Z.ning foydasiga 140 mln. 527 ming so‘m, A.D.ning foydasiga 46 mln. 842 ming so‘m, M.Z.ning foydasiga 46 mln. 842 ming so‘m, A.U.ning foydasiga 46 mln. 842 ming so‘m jami 281 mln. 53 ming so‘m to‘liq undirilib, egalariga topshirildi. “Zamin” yangiliklarini “Facebook”da kuzatib boring