Toshkentda uchta ko‘cha 10 kunga transport harakati uchun yopiladi

2022 yilning 29 iyul – 7 avgust kunlari Toshkentda Food Fest-2022 gastronomik festivali bo‘lib o‘tadi.

^{Foto: Toshkent shahar hokimligi}
Poytaxt hokimligi xabariga ko‘ra, festival kunlari doirasida qator yo‘llar avtotransport harakati uchun yopiladi.

Xususan:

• Istiqlol ko‘chasi — Buyuk Turon ko‘chasidan Hyatt Regency mehmonxonasigacha bo‘lgan qismida;
  
• Zarafshon ko‘chasi — Istiqlol ko‘chasidan va Mustaqillik shohko‘chasigacha bo‘lgan qismida;
  
• J.Neru ko‘chasi — Mustaqillik shohko‘chasidan Zarafshon ko‘chasigacha bo‘lgan qismida.

Toshkent shahar hokimligi haydovchilardan aylanma yo‘llardan foydalanishni so‘ragan. “Zamin” yangiliklarini “Twitter”da kuzatib boring