Toshkent shahar Ekologiya boshqarmasi boshligʻi hibsga olindi

^{Foto: Davlat ekologiya qoʻmitasi}
Toshkent shahar ekologiya va atrof-muhitni muhofaza qilish boshqarmasi boshligʻi Farhod Dehqonov hibsga olindi. Bu haqda Bosh prokuraturaga tayanib «Gazeta.uz» xabar qildi.

Qayd etilishicha, boshqarma boshligʻi 9 sentyabr kuni Jinoyat kodeksining 205-moddasi 2-qismi «a» bandi (hokimiyat yoki mansab vakolatini suiiste'mol qilish, davlat yoki jamiyatga juda koʻp miqdorda zarar etkazish)da nazarda tutilgan jinoyatni sodir etganlikda gumonlanmoqda.

«Farhod Dehqonov asosiy vazifasi ekologiya va atrof muhitni muhofaza qilishga oid qonunchilik talablari ijrosi ustidan nazoratni amalga oshirish kerak boʻlgan holda, oʻz mansab vakolatlarini suiiste'mol qilib, goʻyoki daraxtlarni koʻchirishga ruxsat bergani vaji bilan ularning nobud qilinishiga sharoit yaratib bergan», — deyiladi xabarda. “Zamin” yangiliklarini “Telegram”da kuzatib boring