Toshkentda 4 ta mashina ishtirokida YTH: 2 kishi voqea joyida halok bo‘ldi

^{Foto: Telegram}
Toshkent shahri Yashnobod tumani Maxtumquli ko‘chasida 9 oktabr kuni YTH sodir bo‘ldi. Holat yuzasidan shahar ichki ishlar bosh boshqarmasi rasmiy ma’lumot berdi.

Qayd etilishicha, soat 20:30 da 79-uy qarshisida haydovchilar:
- 1981 yilda tug‘ilgan V.Sh. boshqaruvidagi 01 L 785 LB bo‘lgan Nexia-3;
- 1992 yilda tug‘ilgan R.M. boshqaruvidagi 10 M 666 PA bo‘lgan BMW;
- 1992 yilda tug‘ilgan T.I. boshqaruvidagi 01 Z 292 GB bo‘lgan Nexia-3;
- 1999 yilda tug‘ilgan B.A. boshqaruvidagi 30 E 701 UA bo‘lgan Lacetti transport vositalari ishtirokida yo‘l-transport hodisasi sodir bo‘lgan.

Hodisa oqibatida 01 Z 292 GB bo‘lgan Nexia-3 avtomashinasi haydovchisi va yo‘lovchisi olgan tan jarohati sababli, voqea joyida halok bo‘ldi.

Holat yuzasidan shahar IIBB Tergov boshqarmasi tomonidan jinoyat ishi qo‘zg‘atilib, tergov harakatlari olib borilmoqda. “Zamin” yangiliklarini “Telegram”da kuzatib boring