Qo‘ng‘irot tumanida 13 mlrd. so‘mdan ortiq soliq qarzdorligi undirildi

Majburiy ijro byursi Qo‘ng‘irot tumani bo‘limi ish yurituviga Yirik soliq to‘lovchilar bo‘yicha hududlararo davlat soliq inspeksiyasining 2022 yil 23-sentyabr kungi qaroriga asosan, "E.E.LTD” korxonasidan 13 mlrd. 202,4 mln. so‘m soliq qarzdorligini undirish haqidagi ijro hujjati 23 sentyabr kuni kelib tushgan va shu kunning o‘zida ijro ishi yurituvi qo‘zg‘atilgan.

Majburiy ijro harakatlari davomida, qarzdorning bank xisob raqamlariga inkassa topshiriqnomalari qo‘yilgan va qarzdorlikni uzish uchun ixtiyoriy muddat berilgan.

Berilgan ixtiyoriy muddat ichida qarzdor, "E.E.LTD” mas’uliyati cheklangan jamiyati tomonidan 28 sentyabr kuni belgilangan 13 mlrd. 202,4 mln. so‘m soliq qarzdorligi to‘lig‘i bilan to‘lanib berilgan va ijro ishi “Sud hujjatlari va boshqa organlar hujjatlarini ijro etish to‘g‘risida”gi Qonunining 41 moddasiga asosan amalda undirib tamomlandi. “Zamin”ni Telegramʻda oʻqing!