Qarshida 13 yoshli qizni urib yuborib, voqea joyidan qochib ketgan Cobalt haydovchi topildi

^{Foto: Yo‘l harakati xavfsizligi xizmati}
Qashqadaryo viloyati Qarshi shahrida 5 dekabr kuni Cobalt 13 yoshli qizni urib yuborib, haydovchi voqea joyidan qochib ketgani xabar qilingandi. Holat yuzasidan Yo‘l harakati xavfsizligi xizmati munosabat bildirdi.

Aniqlanishicha, 5 dekabr kuni soat 20:00 da Qarshi shahri Nasaf ko‘chasida joylashgan supermarket ro‘parasidagi piyodalar o‘tish yo‘lagidan o‘tayotgan voyaga yetmagan qiz X.D.ni davlat raqam belgisisiz oq rangli Cobalt urib yuborgan.

pic.twitter.com/gNUlez9RcC

— Шухрат Раззаков (@ShuhratRazzakov) December 7, 2022

pic.twitter.com/g24KnqeTI7

— Шухрат Раззаков (@ShuhratRazzakov) December 7, 2022

Olib borilgan tezkor surishtiruvlar natijasida Cobalt avtomobili hamda haydovchisi topildi. Mazkur YTH yuzasidan haydovchiga nisbatan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 1-qismi va 117-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda. “Zamin” yangiliklarini “Telegram”da kuzatib boring