Bog‘chalarda qo‘shimcha ta’til e’lon qilindi

Maktabgacha ta’lim tashkilotlarida navbatdan tashqari ta’til e’lon qilindi. Bu haqda Maktabgacha va maktab ta’limi vazirligi xabar berdi.

O‘zbekiston Respublikasi Hukumatining tegishli yig‘ilish bayoniga asosan, ob-havo haroratining keskin tushib ketishi sababli maktabgacha ta’lim tashkilotlari tarbiyalanuvchilarida mavsumiy gripp kasalligi, shamollashning keskin ko‘payishiga yo‘l qo‘ymaslik uchun 2023 yil 10-18 yanvar kunlari navbatdan tashqari ta’til e’lon qilinadi.

Bu vaqt davomida farzandi maktabgacha ta’lim tashkilotiga borayotgan budjet tashkilotlarida ishlaydigan ayollarning ish vaqti ish haqi kamaytirilmagan holda qisqartiriladi. “Zamin”ni Telegramʻda oʻqing!