Surxondaryoda avtobus bilan to‘qnashgan Damas yo‘lovchisi vafot etdi

^{Foto: Yo‘l harakati xavfsizligi boshqarmasi}
Surxondaryo viloyati Denov tumanida uchta transport vositasi ishtirokidagi yo‘l transport hodisasi odam o‘limi bilan yakunlandi. Bu haqda Yo‘l harakati xavfsizligi xizmati xabar qildi.

Qayd etilishicha, holat 9 yanvar soat 17:20 larda M-41 Bishkek—Dushanbe—Termiz avtomobil yo‘lining 1487-kilometrida sodir bo‘lgan. Nexia-3 haydovchisi mashinani ikkinchi darajali yo‘ldan boshqarib kelib, asosiy yo‘ldan harakatlanib kelayotgan Damas mashinasini o‘tkazib yubormasdan, u bilan to‘qnashgan. To‘qnashuv zarbidan Damas boshqaruvni yo‘qotib, qarama-qarshi yo‘nalishdan kelayotgan avtobusga urilgan.

YTH oqibatida Damas avtomobili yo‘lovchisi shifoxonada vafot etgan. “Zamin”ni Telegramʻda oʻqing!