Toshkentda AQSH bilan hamkorlikda qo‘shma universitet tashkil etilishi mumkin

^{Foto: Oliy ta’lim, fan va innovatsiyalar vazirligi axborot xizmati}
Toshkent shahrida AQSH bilan hamkorlikda qo‘shma universitet tashkil etilishi mumkin. Bu haqda Oliy ta’lim, fan va innovatsiyalar vazirligi axborot xizmati xabar berdi.

Xabarga ko‘ra, oliy ta’lim, fan va innovatsiyalar vaziri Ibrohim Abdurahmonov Sintana Education Company kompaniyasining mintaqaviy ijrochi direktori Chari Bagchiogluni qabul qildi. Uchrashuvda tomonlar O‘zbekistonda AQSH bilan hamkorlikda qo‘shma universitet tashkil etish loyihasini muhokama qildi.

Ushbu loyihaga muvofiq, AQSHda innovatsiyalar yo‘nalishida birinchi raqamli Arizona davlat universiteti bilan hamkorlik o‘rnatish va o‘zaro hamkorlikda o‘quv hamda tadqiqot dasturlarini tashkil qilish ko‘zda tutilgan. “Zamin” yangiliklarini “Telegram”da kuzatib boring