Toshkent viloyatida o‘zganing bank kartasidan pul o‘g‘irlab, onlayn qimorga tikib yuborgan fuqaroga jinoyat ishi qo‘zg‘atildi.
IIV Kiberxavfsizlik markazining xabar qilishicha, Toshkent viloyati Quyi Chirchiq tumanida yashovchi 63 yoshli ayol J.B. murojaat qilib, bank kartasidagi 2 million 55 ming so‘m noma’lum tarzda yechib olinganini ma’lum qilgan.
Tezkor-qidiruv xizmati Kiberxavfsizlik bo‘linmalari tomonidan o‘tkazilgan tezkor-qidiruv tadbirlari natijasida, ushbu jinoyatni Toshkent viloyati, Quyi Chirchiq tumanida yashovchi, muqaddam o‘g‘rilik, talonchilik jinoyatlari uchun sudlangan 36 yoshli erkak K.S. sodir etgani aniqlangan.
Ma’lum bo‘lishicha, K.S. ayolga qo‘ng‘iroq qilib, o‘zini Mobiuz aloqa kompaniyasi operatori sifatida tanishtirgan va uning raqamiga ochilgan pullik xizmatlarni o‘chirish uchun “sms-xabarnoma” orqali kelgan maxfiy kodni so‘rab, bilib olgan.
Natijada u ayolning bank karta boshqaruv huquqini qo‘lga kiritgan va u sezib qolmasligi uchun ma’lum vaqt davomida, yashirin tarzda jami 2 million 55 ming so‘m pulni bo‘lib-bo‘lib boshqa kartaga o‘tkazib olgan.
Shundan so‘ng, K.S. jinoiy yo‘l bilan topgan mablag‘larni yanada ko‘paytirish uchun onlayn qimorga tikib, yutqazib qo‘ygan.
Mazkur holat yuzasidan K.S.ga nisbatan JKning 169-moddasi 3-qismi “a” bandi bilan jinoyat ishi qo‘zg‘atilib, tergov harakatlari olib borilmoqda. Qonunga muvofiq, K.S. tomonidan sodir etilgan jinoiy harakatlar uchun 5 yildan 8 yilgacha ozodlikdan mahrum qilish jazosi nazarda tutilgan.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Kuniga nechta olma yeyish mumkin? Ommabop mevaning zararli xususiyatlari
O‘zbekiston Turkmaniston va Turkiya bilan mudofaa sohasida hamkorlik qiladi
Hindiston BMTni isloh qilishga chaqirdi
Dunyodagi eng baxtli shaharlar reytingi e’lon qilindi
Tramp Eron tomonidan o‘lim tahdidi haqida ogohlantirildi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Shvetsiya Eronni Qur’on yoqib yuborilgani uchun qasos olganlikda ayblamoqda
Tramp Zelenskiyning AQSHga tashrifi chog‘ida u bilan uchrashishdan bosh tortdi
