Bugun, 22 iyul kuni soat 12:50da FVBga Namangan viloyati Namangan shahar “G‘uncha” MFY hududidan oqib o‘tuvchi Shimoliy Farg‘ona kanaliga “Damas” rusumli avtomobil tushib ketgani to‘g‘risida xabar kelib tushgan.
Voqea joyiga Namangan viloyati FVB qutqaruv otryadi xodimlari yetib borib, maxsus texnika yordamida kanaldan avtomobilni olib chiqayotgan vaqtda yana bir "Damas" avtomobili haydovchisi boshqaruvni yo‘qotib, ushbu kanalga tushib ketgan.
Birinchi avtomobil salonida yo‘lovchilar bo‘lmagan. Ikkinchi avtomobil salonida 5 nafar yo‘lovchi bo‘lgan.
FVV qutqaruvchilari ikkinchi avtomobil salonidan yo‘lovchilarni qutqarib, hayotini saqlab qolgan. Bir nafar fuqaro shifoxonaga yotqizilgan. Hozirda uning ahvoli yaxshi ekani aytiladi.
Hodisa oqibatida halok bo‘lganlar yo‘q. Holat yuzasidan prokuratura tomonidan tergovga qadar tekshiruv harakatlari olib borilmoqda.
“Zamin” yangiliklarini “Vkontakti”da kuzatib boring
