O‘zbekistonda hashamatli sayyohlik poyezdi qatnovi yo‘lga qo‘yiladi

^{Foto: Freepik}

2026 yildan boshlab, O‘zbekistonning tarixiy shaharlari bo‘ylab harakatlanadigan hashamatli Luxury Train Cruising poyezdi qatnovi yo‘lga qo‘yiladi. Bu haqda «O‘zbekiston temir yo‘llari» xabar berdi.

Qayd qilinishicha, «O‘zbekiston temir yo‘llari» AJ va Italiyaning «Arsenale Group S.P.A.» kompaniyasi o‘rtasida shu mazmundagi memorandum imzolangan. Ikkala tomon ham loyihaning muvaffaqiyatli amalga oshirilishiga va uning O‘zbekistonda turizmni rivojlantirish uchun muhimligiga ishonch bildirgani aytilmoqda.

Luxury Train Cruising poyezdi dunyo sayyohlariga Samarqand, Buxoro va Xiva kabi tarixiy shaharlariga borish imkonini beradi. Poyezd yo‘lovchilarga sayohat paytida maksimal qulaylikni ta’minlash uchun zamonaviy jihozlangan bo‘ladi.

Qo‘shimcha qilinishicha, loyiha Investitsiyalar, sanoat va savdo vazirligi ko‘magida amalga oshirilmoqda.