“Diqqat, piyoda!” tadbiri doirasida qoidalarni buzgan piyodalarga chora ko‘rilmoqda

^{Foto: YHXBB}

“Diqqat, piyoda!” tadbiri doirasida yo‘llarda bolalar ishtirokidagi yo‘l-transport hodisalarini barvaqt oldini olish hamda o‘quvchilarning yo‘llarda to‘g‘ri harakatlanish ko‘nikmalarini shakllantirish maqsadida O‘zbekistondagi barcha maktab va maktabgacha ta’lim muassasalarida targ‘ibot tadbirlari tashkil etilmoqda.

Shuningdek, yo‘llarda qoidalarni chetlab o‘tgan piyodalarga nisbatan belgilangan tartibda chora ko‘rilmoqda. Shu bilan birga yo‘llarda piyodalarning biron to‘siq ortidan qatnov qismiga chiqishi oqibatida yuzaga chiqishi mumkin bo‘lgan ko‘ngilsiz hodisalarning oldini olish maqsadida haydovchilar bilan tushuntirish ishlari olib borilmoqda.

“Haydovchilardan boshqaruvidagi transport vositasini to‘xtatishda e’tiborli bo‘lish, piyodalar o‘tish joylari atrofida belgilangan tartibga rioya etishlarini, shuningdek, barcha harakat ishtirokchilaridan qoidalarga amal qilishni so‘raymiz”, — deyiladi YHXBB murojaatida.