Qoraqalpog‘istonda o‘rmon xo‘jaligi rahbari noqonuniy ov qilib yurgani aniqlandi

^{Foto: Ekologiya vazirligi}

Qoraqalpog‘iston Respublikasi Ekologiya, atrof-muhitni muhofaza qilish va iqlim o‘zgarish vazirligi, respublikasi prokuraturasi va «Sudochye-Akpetki» davlat buyurtma qo‘riqxonasi xodimlari hamkorligida o‘tkazilgan reyd tadbirida noqonuniy ovning oldi olingan.

Qayd qilinishicha, Mo‘ynoq tumani, «Qozoqdaryo» mahallasi hududida o‘tkazilgan reyd davomida «Qorao‘zak» davlat o‘rmon xo‘jaligi rahbari A.I. tegishli ruxsatnomasiz ov miltig‘i bilan ov qilib yurgani aniqlangan.

Holat yuzasidan mansabdor shaxsga nisbatan Ma’muriy javobgarlik to‘g‘risidagi kodeksning 90-moddasi 4-qismi (Tegishli ruxsati bo‘lmay turib yoki taqiqlangan joylarda yoxud taqiqlangan muddatlarda, taqiqlangan qurollar yoki vositalar bilan ov qilish yoki baliq ovlash) bilan ish ochilgan.

Ushbu huquqbuzarlikni sodir etish quroli va ashyolarini musodara qilib, mansabdor shaxslarga BHM qirq baravaridan ellik baravarigacha miqdorda jarima solishga yoxud uch yilgacha muddatga ov qilish huquqidan mahrum etishga sabab bo‘ladi.

Шухрат Раззаков

«ZAMIN.UZ» muharriri

Mavzuga oid yangiliklar

Samarqandda Lacetti haydovchisi bir guruh piyodalarni urib yubordi

Bugun, 11:03

Jizzaxda Tracker avtomobili yuqori tezlikda do‘konga urildi

Bugun, 09:40

«Dubay shokoladi» inson salomatligi uchun xavfli deb topildi

Bugun, 08:53

Elektron to‘lovlar sohasida katta o‘zgarishlar kutilmoqda: muhim uchrashuv bo‘lib o‘tdi

Bugun, 06:12

Shukrullo Isroilovning mashinasini olib qochgan yigitga sud hukmi o‘qildi

Bugun, 05:43

MIB: Ishchilarning buzilgan huquqlari tiklandi

Kecha, 23:54