Saida Mirziyoyeva Qozog‘iston prezidenti yordamchisi bilan jadidlar ijodi bo‘yicha fikr almashdi

O‘zbekiston prezidenti yordamchisi Saida Mirziyoyeva 11 dekabr kuni «Jadidlar: milliy o‘zlik, istiqlol va davlatchilik g‘oyalari» mavzusidagi xalqaro ilmiy konferensiyada ishtirok etish uchun Toshkentga kelgan Qozog‘iston prezidentining ichki siyosat va kommunikatsiyalar bo‘yicha yordamchisi Ruslan Jeldibay bilan uchrashdi.

Unda jadidlarining ijodi va mintaqa taraqqiyotiga qo‘shgan hissasi bo‘yicha fikr almashildi. Bu haqda Saida Mirziyoyeva ijtimoiy tarmoqdagi sahifasida xabar berdi.

«Markaziy Osiyo jadidlarining mamlakatlarimiz xalqlarini jipslashtirishdagi o‘rni, ularning ijodi va mintaqamiz taraqqiyotiga qo‘shgan hissasi haqida fikr almashdik. O‘zbekiston va Qozog‘iston o‘rtasidagi do‘stona munosabatlarni tomonlarni qiziqtirgan barcha yo‘nalishlarda yanada mustahkamlash masalalarini atroflicha muhokama qildik», deyiladi xabarda.