Xitoy O‘zbekistonda ekstremal turizm obyektlari loyihalarini ishlab chiqadi

^{Foto: Ekologiya va atrof-muhitni muhofaza qilish boshqarmasi}

Turizm qo‘mitasi raisining Xitoyga tashrifi davomida Hunan provinsiyasi gubernatori o‘rinbosari Sin Gaoven bilan turizm sohasida hamkorlikni kengaytirish bo‘yicha uchrashuv bo‘lib o‘tdi.

Kelishuvlarga binoan, tog‘ cho‘qqilari va kanonlarda dor yo‘llari va oynali osma ko‘priklar qurilishi bo‘yicha Xitoyda birinchi o‘rinda turadigan Hunan provinsiyasi mutaxassislari ishtirokida O‘zbekistonda ekstremal turizm obyektlari loyihalari ishlab chiqiladi.

Shuningdek, mashhur Chjan’e Dansya milliy geoparki hamda Tyanmen tog‘i kuzatuv maydonlarida O‘zbekiston turizmi targ‘ib qilinadi.

Ma’lumot uchun, turistik mavsumda (asosan iyun-avgust oylari) mazkur obyektlarga kuniga 40-50 mingga yaqin sayyoh tashrif buyuradi.