Toshkentda uchta xotiniga ham aliment to‘lamay yurgan erkak qo‘lga olindi

^{Foto: MIB axborot xizmati}

Toshkent shahar Yashnobod tumanida uch nafar xotiniga farzandlari ta’minoti uchun aliment to‘lamay yurgan erkak ushlandi. Bu haqda MIB axborot xizmati xabar berdi.

Ma’lum qilinishicha, Majburiy ijro byurosining Yashnobod tuman bo‘limida 3 nafar ayollar foydasiga voyaga yetmagan 3 nafar farzandining moddiy ta’minoti uchun aliment pullarini to‘lashdan bo‘yin tovlab yurgan K.S.ga nisbatan ijro ishi borligi aniqlangan.

Majburiyatini bajarmasdan, aliment pullarini to‘lashdan bo‘yin tovlagan otaga nisbatan jinoyat ishlari bo‘yicha Yashnobod tuman sudining qaroriga asosan 15 sutka ma’muriy qamoq jazosi belgilandi.