Voyaga yetmagan farzandlarga ko‘rsatilayotgan yuksak e’tibor negizida kelajak avlodni barkamol va sog‘lom ruhda tarbiyalash jonlanadi. Farzand uchun ota-ona bag‘rida ulg‘ayishdan ortiq baxt bo‘lmaydi. Jumladan, hikoya qilmoqchi bo‘lganimiz ajrimdagi bir oila va u oilaning ham uch nafar farzandi bor.
Byuroning Mirzo Ulug‘bek tuman bo‘limi ish yurituvida fuqarolik ishlari bo‘yicha Mirzo Ulug‘bek tumanlararo sudining sud buyrug‘iga asosan qarzdor M.M.dan undiruvchi S.M. foydasiga 3 nafar voyaga yetmagan farzandlari ta’minoti uchun 1/2 qismi miqdorida aliment undirish haqidagi ijro hujjati mavjud edi.
Alimentchi ota aliment pullaridan hech qachon qarzdor bo‘lmagan. 3 nafar voyaga yetmagan farzandlari uchun bajonidil aliment to‘lab yurgan. Lekin, yaxshilik umidida Byuroning tuman bo‘limi davlat ijrochisi A.Xayrulin tomonlarga huquqiy tushuntirishlari natijasida oila ustunlari farzandlari kelajagiga befarq bo‘lmay oilani tiklashga qaror qilishdi. Ajrimdagi oila yarashtirilib, mazkur aliment undiruviga oid ijro ishi tamomlandi.
“Zamin” yangiliklarini “Telegram”da kuzatib boring
