O‘zbekistonda 1 fevraldan qanday o‘zgarishlar kutilmoqda?

O‘zbekiston qonunchiligida 1 fevraldan boshlab bir qancha o‘zgarishlar amalga oshiriladi. Jumladan, fuqarolarning ma’lum toifalari uchun shartnoma asosida ijtimoiy xizmatlar ko‘rsatiladi, “oila sudyalari” paydo bo‘ladi, jismoniy shaxslardan olinadigan daromad solig‘ining qat’iy belgilangan summalari bo‘yicha soliq stavkalari oshiriladi.

Ijtimoiy xizmatlar shartnoma asosida amalga oshiriladi
Reyestrga kiritilgan yolg‘iz keksalar va nogironlarga davlat tomonidan kafolatlangan ijtimoiy xizmatlar va yordam ijtimoiy xizmatlar ko‘rsatish shartnomasi asosida ko‘rsatiladi.

Fuqarolik ishlarini “oilaviy sudyalar” hal qiladi
Sinov tariqasida fuqarolik ishlari bo‘yicha Samarqand, Namangan va Mirzo Ulug‘bek tumanlararo sudlarida oilaviy nizolarni ko‘rish uchun mazkur sudlarning ikki nafar sudyasi ixtisoslashtirilgan holda “oilaviy sudyalar” joriy etiladi.

Mikromoliyaviy banklar ishga tushiriladi
Mikromoliya tashkilotlari asosiy bank xizmatlarini taqdim etishadi.Shundan kelib chiqib, kelgusi yilda moliyaviy xizmatlar hajmini 30 foizga oshirish kutilmoqda. Shuningdek, 500 million dollar miqdoridagi yevrobondlarni joylashtirish ishlari olib borilmoqda.

Tadbirkorlikni rag‘batlantirish maqsadida o‘zining kichik biznesini ochgan va ijobiy kredit tarixiga ega bo‘lgan shaxslarga “Oilaviy tadbirkorlik” dasturi doirasida 50 million so‘mgacha, o‘z faoliyatini kengaytirish istagida bo‘lganlar uchun esa 100 million so‘mgacha garovsiz kreditlar ajratish to‘g‘risida qaror qabul qilindi. Tadbirkorlikka ilk qadam qo‘yayotgan yakka tartibdagi tadbirkorlarga kredit ajratish taklifi ham ma’qullandi.

Jismoniy shaxslardan olinadigan daromad solig‘i aholi uchun qat’iy belgilangan stavkada oshadi.

Shu yilning 1 fevralidan boshlab yagona daromad solig‘i stavkalari ko‘tariladi
Ular 10 foizga oshadi. Aylanmasi 500 million so‘mgacha bo‘lgan soliq to‘lovchilar uchun soliq miqdorini joriy 20 million so‘mdan yiliga 25 million so‘mga oshirish taklif etilmoqda. 500 million so‘m aylanmasi bo‘lgan soliq to‘lovchilar uchun 1 milliard so‘mgacha — amaldagi 30 million so‘mdan 34 million so‘mgacha.

Tadbirkor barqarorlik reytingi joriy etiladi
Reytingi yuqori bo‘lgan korxonalar barcha tekshiruvlardan ozod qilinadi va ularga qator imtiyozlar beriladi. Reyting Soliq qo‘mitasining “Tadbirkorlar barqarorligi reytingi” elektron platformasida idoralararo ma’lumotlar almashinuvi orqali avtomatik tarzda (onlayn) shakllantiriladi va Savdo-sanoat palatasining rasmiy veb-saytida e’lon qilinadi.

Bojxona to‘lovlarini to‘lash kechiktiriladi
Endilikda qayta tiklanuvchi energiya manbalari va ular uchun uskunalar, xomashyo, butlovchi buyumlar va ehtiyot qismlarni olib kirishda bojxona to‘lovlarini foizsiz 120 kun muddatga kechiktirishga ruxsat beriladi.

Xotin-qizlar uchun kasanachilikka oid kasb-hunar o‘rganish kurslari boshlanmoqda
Ta’lim muassasalarida kasanachilik va hunarmandchilik yo‘nalishida ayollar tadbirkorligini yo‘lga qo‘yish, rivojlantirish va takomillashtirish bo‘yicha kasbiy o‘quv kurslari yo‘lga qo‘yiladi. Ushbu kurslar bilan bog‘liq xarajatlar tasdiqlangan xarajatlar smetasi doirasida Oila va ayollarni qo‘llab-quvvatlash davlat maqsadli jamg‘armasi mablag‘lari hisobidan moliyalashtiriladi.

Ta’lim muassasalarida mutaxassislik bo‘yicha tahsil olayotgan har bir bitiruvchining o‘quv xarajatlarining 70 foizi davlat tomonidan qoplanadi, lekin BHMning besh baravaridan ko‘p bo‘lmagan miqdorda.

Import qilingan elektr jihozlari dilerlar tomonidan sotiladi
Endilikda bir qator elektrotexnika mahsulotlarini O‘zbekistonga olib kirishda ishlab chiqaruvchining vakolatli vakillari yoki rasmiy dilerlari bo‘lishi talab etiladi. Ular sifat, mahsulot xavfsizligi, xizmat ko‘rsatish kafolatlarini ta’minlashi, shuningdek, sotishdan keyingi xizmatlarga ega bo‘lishi kerak.

“Yashil energiya” tizimi ishlay boshlaydi
“Yashil Energiya” axborot tizimi to‘liq funksiyali rejimda ishlaydi. Bojxona qo‘mitasiga tizimning Energetika vazirligi tasarrufiga o‘tkazilishini belgilangan tartibda ta’minlash topshirildi. “Zamin” yangiliklarini “Telegram”da kuzatib boring